कनकाई खबर \ माओवादी केन्द्र कनकाईका पुर्व संयोजक तथा हालका जिल्ला सदस्य समेत रहेका चन्द्रमान कन्दङवाको पार्थीव शरीरलाई पार्टीका नेतासहित स्थानीयस्तरबाट श्रद्धाञ्जली व्यक्त गर्दै अन्त्यष्टी गरिएको छ ।
मस्तिष्क घात भई अस्वस्थ बनेका कनकाई ७ दुर्गापुर निवासी ६७ वर्षीय कन्दङवाको उपचारका क्रममा सोमबार विहान भारतको सिलिगुडीस्थित सैनिक अस्पतालमा निधन भएको हो । कनकाई—४, कोटीहोमस्थित कनकाई सामुदायिक वन समूहको परिसरमा कन्दङवालाई जातिय परम्पराअनुसार अन्त्यष्टी गरिएको छ । श्रद्धाञ्जली सहितको अन्त्यष्टी कार्यमा स्थानीय सरकार कनकाई नगरपालिकाका प्रमुख राजेन्द्र पोखरेल, उपप्रमुख मन्जु प्रसाईँ लगायत कनकाई नगरपालिकाका जनप्रतिनिधिहरुको उल्लेख्य सहभागिता रहेको थियो ।
त्यस्तै नेकपा माओवादी केन्द्रका नेता तथा प्रदेश सांसद झलकसिंह दर्लामी शन्देश, पार्टीका प्रदेश उपाध्यक्ष मणिकुमार साम्पाङ बिजय, पार्टीका प्रदेश कमिटी सदस्य गोपाल प्रसाई, कनकाई नगर अध्यक्ष यामना सेडाई,उपाध्यक्ष रामकुमार थापा, सचिव विष्णु बिमली लगायातले पार्टीको झण्डा ओडाएका थिए । अन्त्यष्टी कार्यमा नेकपा एमाले कनकाई नगर कमिटीका अध्यक्ष खड्ग प्रसाईँ सहित पदाधिकारीहरु साथै पार्टीका विभिन्न तहका नेता तथा कार्यकर्ताहरुको उपस्थिती रहेको थियो । त्यस्तै माओवादी केन्द्र, नेपाली कांग्रेस लगायत स्थानीय स्तरमा क्रियाशिल सबै पार्टीका नेता तथा कार्यकर्ताहरु, उद्योगी, व्यवसायी, सामाजिक अभियन्ता लगायतक शुभचिन्तकहरुको बाक्लो उपस्थिती रहेको बताइएको छ ।
स्वर्गीय चन्द्रमान कन्दङवाका श्रीमति चन्द्रकला, छोरावुहारी स्व. कुमार र कान्ती, दिपक र जानुका, भरत र बन्दना, प्रदिप र याक्सा, प्रकाश कन्दङवा साथै नातीनातिना रहेका छन् । जातीय परम्परा अनुसार स्व.कन्दङ्वाको यहि पुष २३ गते सुक्रबार निजी निवासमा शुद्धिशान्तीको कार्यक्रम रहेकोले सोही दिन उपस्थितीकालागि सम्बन्धित सबैमा परिवारजनका तर्फबाट निमन्त्रणा समेत गरिएको छ ।
