कनकाई / कनकाई सामुदायिक वनले मंगलबार बाट निशुल्क सिपमुलक स्वरोजगार प्रशिक्षण सुरु गरेको छ ।कनकई सामुदायिक वनको आयोजना तथा द राइजिङ्ग व्रिटिस ल्याङ्गवेज एण्ड आइटी कलेज कनपा ३ र कनकाई उद्यमशिल महिला व्यवसायी उपसमिति कनपा ३ को सहयोगमा सिप सिकौ दक्ष वनौ , स्वरोजगार नारामा हैन व्यवहारमा उतारौं भन्ने अभियानका साथ निशुल्क सिपमुलक स्वरोजगार मुखि कम्प्युटर तथा डिजाइनर सिलाई कटाई तालिम शुरु भएको हो ।
देशमा वेरोजगार भएर युवा जमात बिदेश पलायन भईरहेको वेला कनकाई सामुदायिक वनले स्वदेशमै सीप सिकी देशको जनशक्ति देशमै रोजगार गरि बाच्न सकुन भन्ने धारणाले सिपमुलक तालिमको अवसर प्रदान गरेको वन समितिका अध्यक्ष एवम् उद्घाटन कार्यक्रमका सभापति ख्याम ओलिले वताएका छन ।
तालिममा कनकाई सामुदायिक वन उपभोक्ता समूह भित्रका निम्न आर्थिक अवस्था भएका सदस्यलाई सहभागि गराउने र यस पटक कम्प्युटरमा ५१ जना र सिलाई कटाई डिजाइनरमा ३४ जना गरि ८५ जनालाई तालिम प्रदान गरिने र यो कार्यक्रमलाई निरन्तरता दिदै जाने पनि अध्यक्ष ओलिले जानकारी गराएका छन ।
डिजाइनको तालिममा भने यसअघि नै सामान्य सिलाई कटाई तालिम लिई सकेकालाई समावेश गरि डिजाइन सम्बन्धि विशेष तालिम दिईने समुहको सचिव तथा कार्यक्रम सञ्चालक मान्ता खरेलले वताएकी छन ।
कार्यक्रमको प्रमुख अतिथि कनकाई नगरपालिकाकी उपप्रमुख मन्जु प्रसाईंले विरुवामा पानी हाल ेर कार्यक्रमको उद्घाटन गर्दै यस्ता कार्यक्रमले स्वरोजगारको क्षेत्रमा राज्यलाई समेत सहयोग पुग्ने भन्दै आयोजकलाई धन्यवाद दिदै प्रशिक्षार्थीलाई यहाँबाट पाएको सीपले दक्ष बनी अरुलाई पनि सिकाई स्वरोजगारी वनाउन आग्रह गरेकी छन ।
सामुदायीक वनले प्रशिक्षार्थीलाई कम्प्युटर तालिम गर्नका लागि द राइजिङ्ग व्रिटिस ल्याङ्गवेज आइ।टि।कलेजमा मिलाएको छ भने डिजाइनर सिलाई कटाईको लागि कनकाई उद्यमशील महिला व्यवसायी उपसमिति संगको सहकार्यमा प्रशिक्षक रुपा शाहबाट प्रशिक्षणको व्यवस्था मिलाइएको छ ।
कार्यक्रममा विशेष अथिति भोला प्रसाद चौधरी , कुमारमणी पोखरेल , वालकृष्ण मैनाली , कविता वस्नेत , प्रेम प्रकाश चुडाल , पत्रकार तिर्थराज खरेल, कम्प्युटर प्रशिक्षक दिपक मैनाली लगायतले शुभकामना मन्तव्य राखेका थिए भने वडा नं ३ का वडा अध्यक्ष रुद्रप्रसाद चिमरिया , ४ का वडा अध्यक्ष गोविन्द प्रसाद पौडेल समाजसेवी तथा संघसंस्थाका प्रमुखहरु देवि खरेल , शिव कडेल , टिकाराम भण्डारी सुदिप भण्डारी , धनमनया चिमरिया , कमल मैनाली , अर्जुन बोहरा , दिननाथ खतिवडा , रविन गुप्ता , विष्णु मैनाली , पुण्यप्रसाद शिवाकोटी , सीता पाठक , ईन्द्र बहादुर थापा ,रघुनाथ भट्टराई लगायतको आतिथ्य रहेको थियोे । कार्यक्रममा उपस्थित सवैलाई समुहका उपाध्यक्ष ललित बहादुर कार्कीले स्वागत गरेका थिए ।
