कनकाई खबर \ नेकपा एमालेको भातृ संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को कनकाई नगर अध्यक्षमा प्रतापबाबु जमरकट्टेल सर्वसम्मत रुपमा चयन भएका छन् । संगठनको कनकाई नगर अधिवेशनबाट कट्टेल अध्यक्षमा सर्वसम्मत रुपमा चयन भएका हुन् ।
संगठनको उपाध्यक्षमा सारिका गिरी, सचिवमा यामप्रसाद भण्डारी, तीनजना सहसचिवमा सीतल भण्डारी, दिवाकर तिवारी र हिमा शाह रहेका छन् भने कोषाध्यक्षमा मुकेशकुमार शर्मा चयन भएका छन् । सदस्यहरुमा दिपेन ओली, पुनम बस्नेत, कृति गौतम, प्रतिक्षा ढुङ्गेल, जीवन कडरीया, मन्जील ढकाल, सन्दिप ठाकुर, जोन रिमाल, उत्सव प्रसाईँ, उज्वल प्रसाईँ, विधान मिश्र, प्रवेश तामाङ्, रुपक नेपाल र दिक्षा आचार्य रहेका छन् ।
सर्वसम्मत रुपमा चयन भएका सम्पूर्ण पदाधिकारी तथा सदस्यहरुलाई अनेरास्ववियुका नेता केन्द्रिय सचिवालय सदस्य मनोज ताम्लीले पद तथा गोपनियताको सपथ गराएका थिए ।
सर्वसम्मत नेतृत्व चयनकालागि कमल कट्टेलको संयोजकत्वमा मनोज ताम्ली, दिपक चापागाई र नारायण पोखरेल सदस्य रहेको निर्वाचन समितिले सहजीकरण गरेको बताइएको छ ।
कनकाईका विद्यार्थी नेता योगेन्द्र कार्कीको सभापतित्व एवम् अनेरास्ववियु प्रदेश १ सचिव साथै केन्द्रिय सचिवालय सदस्य मनोज ताम्लीको प्रमुख आतिथ्य रहेको कार्यक्रममा नेकपा एमाले कनकाईका उपाध्यक्ष विनोद रानामगर, नगर कमिटी उपसचिव दिपक चापागाईँ, नगर सदस्य कमल कट्टेल लगायतले नवनिर्वाचित पदाधिकारी तथा सदस्यहरुलाई कार्यकाल सफलताको शुभकामना दिएका थिए ।
विद्यार्थी नेता मौसम अधिकारीले स्वागत गरेको कार्यक्रमको संचालन प्रतापबाबु जमरकट्टेलले गरेका थिए ।
