कनकाई खबर \ झापाको शिवसताक्षीमा किराँत लिम्बू समूदायको मौलिक तथा प्राकृतिक पर्व (उद्यौली पर्व) चासोक तङनाम (चेसोक तङनाम) २०७८ भव्य रुपमा मनाइने भएको छ ।
अघिल्ला वर्षहरुमा समेत चासोक मेलाको रुपमा मनाइदै आएको चासोक तङनाम यस पटक कोरोना भाइरसको तेस्रो भेरियन्ट ओमिक्रोनका कारण पौष ४ गते एक दिन मात्र मनाइने भएको छ ।
किराँत याक्थुङ चुम्लुङ शिवसताक्षीको आयोजनामा सम्पन्न हुने चासोक तङनामलाई हरेक वर्ष विशेष पर्वका रुपमा मनाउँदै आएको किराँत याक्थुङ चुम्लुङ शिवसताक्षीका अध्यक्ष वीरवल जवेगूले बताएका छन् ।
एक दिन मात्र उत्सवका रुपमा मनाइने कार्यक्रममा यस भन्दा अघि गरिएको कार्यक्रम जस्तै सबै बिधालाई समेटिने बताइएको छ । कार्यक्रममा राष्ट्रिय कलाकार मेलिना राई र राष्ट्रिय हास्य कलाकार भरतमणि पौडेलको बेजोड प्रस्तुती रहने छ । कार्यक्रमकालागि अनुमान गरिएको १० लाख खर्च देश तथा विदेशमा रहेका व्यक्ति तथा स्थानीय स्तरका दाताहरुबाट संकलन गरिने बताइएको छ ।
२०७३ बाट लिम्बू समूदायको सामूहिक संस्था याक्थुङ नालीफुङ्वा चुम्बोले विश्व व्यापिकरण गर्दै आएको चासोक तङ्नाममा प्रदेश नं १ का समूदायहरुको जमघट हुने छ । कार्यक्रममा भारतको दार्जेलिङ , सिक्किमबाट समेत उपस्थिति रहँदै आएको बताइएको छ । चासोक तङनामको भव्य तयारीका लागि १९ वढि विभिन्न उप–समिति गठन गरिएको छ । जस अनुसार आर्थिक संयोजकमा सूर्य योङया , प्रचार प्रसार संयोजकमा सन्तोष थोप्रा , केलाङ संयोजकमा डिल्लीलाल फेम्बु , स्वयम् सेवक संयोजकमा अभिशेक केदेम रहेका छन् ।
त्यस्तै कलाकार बिभाग संयोजकमा सन्तोष थोप्रा , प्रसाद वितरण संयोजकमा कमला आङ्देम्बे र शोभा लिम्बू , मञ्च व्यवस्थापन संयोजकमा अमर लिम्बू ,स्टल र लाइटिङ विभाग संयोजकमा शर्मिला राई , फेदाङ्मा तथा सेवासाँवा व्यवस्थापन संयोजनमा महेश्वर खेवा , क्याट्रिङ तथा खाना व्यवस्थापन संयोजकमा सोराहाङ योङहाङ रहेका छन् ।
त्यस्तै साउण्ड सिस्टम व्यवस्थापन संयोजकमा बीरबल जवेगु ,प्रेस संयोजक सेलिङ केसी , यातायात व्यवस्थापन संयोजकमा शिशिर तुम्बापो , स्थानीय कलाकार व्यवस्थापन संयोजकमा साजन फागो , टेण्ट ,गेट, स्टेज व्यवस्थापन संयोजकमा रोशन थोप्रा,अतिथि सत्कार व्यवस्थापन संयोजकमा पवित्रा लिम्बू,पःलुङ लि तोङ व्यवस्थापन संयोजकमा किरण लिङ्देन ,किनमेल व्यवस्थापन संयोजकमा विक्रम तुम्वापो ,मौलिक घर व्यवस्थापन संयोजकमा विक्रम वनेम फागो ,महिला व्यवस्थापन संयोजकमा पार्वता सेलिङ रहेका छन् भने मूल समितिको संयोजकमा किराँत याक्थुङ चुम्लुङ शिवसताक्षीका अध्यक्ष बीरबल जवेगु रहेका छन् ।
प्रदेश १ स्तरीय चासोक तङनाममा धान नाच मेला, केलाङ माङलाङ मेला ,छेलो प्रतियोगिता ,धनुकाण प्रतियोगिता समेत हुने किराँत याक्थुङ चुम्लुङका सचिव प्रेम शेर्माले जानकारी दिएका छन् ।
