गौरादह / नेपाली कांग्रेसको झापा क्षेत्र नं. ५ को सभापतिमा युवा नेता ढुण्डिराज भण्डारी फराकिलो मत अन्तरले विजयी भएका छन् ।
भण्डारी १ सय ८४ मत अन्तरले विजयी भएका हुन् । उनले ४ सय ४७ मत प्राप्त गरे भने निकटतम प्रतिद्वन्द्वी रोशन कुमार गौतमले २ सय ६३ मत प्राप्त गरेका छन् ।
त्यस्तै सचिवमा धर्मानन्द भट्टराई ४ सय १ र मुकुन्द उप्रेती ३ सय ७२ मत प्राप्त गर्दै विजयी हुनुभएका छन् भने सह–सचिवमा गोपाल राज दाहाल ३ सय ५७ मत र डिल्ली प्रसाद चापागाई ३ सय ८३ मत प्राप्त गर्दै विजयी भएका छन् । निर्वाचनमा ७ सय ४४ मत मध्ये ७ सय २७ मत खसेको थियो ।
कमेन्टस्
