कनकाई खबर \ नेपाल कम्युनिष्ट पार्टी (एमाले) को महाधिवेश प्रतिनिधि छनौटका लागि झापा क्षेत्र नं. ४ मा भएको निर्वाचनमा कनकाई नगरपालिका प्रमुख समेत रहेका राजेन्द्र पोखरेल सबैभन्दा बढी १,७०४ मतका साथ विजयी बनेका छन् ।
क्षेत्रबाट पुरुष तर्फ ६ जना र महिला तर्फ ३ जनाको संख्या आवश्यक भएपनि पुरुष तर्फ १६ र महिला तर्फ ५ जनाको उम्मेद्वारी मनोनयन भएपछि शनिवार निर्वाचन भएको हो । निर्वाचन मण्डलले दिएको जानकारी अनुसार निर्वाचित खुलातर्फ राजेन्द्रकुमार पोखरेल १,७०४, धनबहादुर थेवे १,५३२, चन्द्रकुमार सेर्मा १,४६२, राधाकृष्ण खनाल १,४००, खेमनाथ मिश्र १,३४०, भैरवकुमार श्रेष्ठ १,३०२ मत प्राप्त गरी विजयी बनेका छन् ।
उनीहरुका प्रतिस्पर्धी मध्ये हिराकुमार थापाले १२२९, कैलाश कुमार राई ६४४, कोमल पन्त ५२६, गोविन्द बहादुर कुँवर ९४९, टेकनाथ ढुंगेल ४३३, दीपक चापागाईँ ७८९,प्रकाश चन्द्र खरेल ६६६, मोहन घिमिरे १०३८, विष्णुप्रसाद खतिवडा ५५१, हर्कराज राई ८३६ मत प्राप्त गरेको निर्वाचन समितिले जनाएको छ ।
त्यस्तै महिलातर्फ अमृता राई २३१४, चम्पादेवी खनाल २२११, इन्दिरा बस्नेत १९३० मत प्राप्त गरी विजयी भएका छन् । उनीहरुका प्रतिस्पर्धी भोजकुमारी नेपालले १६४१ , नरमाया कार्कीले १०४३ मत प्राप्त गरेको बताइएको छ ।
झापा निर्वाचन क्षेत्र नंं. ४ मा नेकपा एमालेको ५,७०८ संगठित सदस्य रहेका थिए भने ३५६२ मत खसेको थियो ।
