कनकाई खबर \ नेपाली कांग्रेस कनकाई वडा नं. ५ ले छठ पर्वका महिला व्रतालुहरुलाई साडी वितरण गरेको छ ।
छठ पर्वको अवसर पारेर व्रतालुहरुलाई सहयोग पुर्याउँने उद्येश्यले साडी वितरण गरिएको नेपाली कांग्रेस कनकाई ५ का नेता एवम् सामाजसेवी रमेशचन्द्र दहालले बताएका छन् । दहालकै संयोजनमा सामाजिक अभियन्ता शेरवहादुर थापा, कुमारमणि पोखरेल,लक्ष्मी उप्रेती लगायतको सहयोगमा उपलव्ध भएको ७५ वटा साडी छठीमाइको प्रसाद स्वरुप वितरण गरिएको बताइएको छ । नेपाली कांग्रेसको वडा साथै नगरस्तरीय नेता तथा कार्यकर्ताहरुको उपस्थितीमा पार्टीका नगर सभापति दुर्गा प्रसाईँले ब्रतालु महिलाहलाई साडी वितरण गरेका हुन् ।
छठ पुजाकालागि तीन दिनदेखी नै ब्रत बसेका महिला ब्रतालुहरुले सूर्य भगवानलाई अर्घ दिँदा चोखो कपडा लगाउँनु पर्ने भएकाले सोही समयकालागि सहज होस् भन्ने उद्येश्यका साथ वडामा साडी वितरण गरिएको समाजसेवी रमेशचन्द्र दहाल बताउँछन् । ब्रतको समयमा चोखो कपडाका रुपमा साडी प्राप्त भएपछि ब्रतालु महिलाहरुमा खुशी छाएको बताइएको छ ।
