कनकाई खबर \ नेकपा एमाले कनकाईको १४ दिनसम्म निरन्तर रुपमा भएको छलफल र बहसपछि अन्ततः खड्गप्रसाद प्रसाईँ अध्यक्षमा सर्वसम्मत चयन भएका छन् । नवनिर्वाचित अध्यक्ष प्रसाईँसहित नगर कमिटीका सम्पूर्ण पदाधिकारी तथा सदस्यहरुले आज मंगलबार चार बजे सपथ लिने कार्यक्रम रहेको बताइएको छ ।
मुख्य चार पदकालागि उपसचिवमा दुईजना गरी पाँचजनाको मात्र संख्या आवश्यक रहेको भएपनि अध्यक्षमा ६ जनासहित अन्य पदमा गरी जम्मा १६ जनाले आआफ्नो उम्मेद्वारी मनोनयन गरेपछि सर्वसम्मतको प्रयास लम्बिएको थियो । अध्यक्ष पदकालागि उम्मेद्वार मनोनयन गर्नेहरुमा प्रसाईँसहित गोविन्द पौडेल, तुलाराम बस्नेत, ओम पाठक, गोकर्ण ओझा र कृष्णकुमार खतिवडा रहेका थिए । पार्टीका अग्रज नेताहरुबाट भएको लामो प्रयासपछि उम्मेद्वारीका लागि दावेदार सबैबाट आफ्नो नाम फिर्ता लिएपछि अध्यक्ष मण्डल र निर्वाचन समितिले आवश्यक छफलफ गरी सर्वसम्मतको वातावरण बनाएको हो ।
पार्टीको महाधिवेशनकै तयारीकालागि केन्द्रको सर्कुलर अनुसार कात्तिक ६ गते नगरका नौ वटै वडामा सर्वसम्मत नेतृत्व चयन भइसकेको छ भने नगर पालिकाको अधिवेशन एक भव्य समारोहका विच ९ गते नै सम्पन्न भइसकेको भएपनि मुख्य पदाधिकारीको पदकालागि सर्वसम्मत हुन नसक्दा पार्टीको विभिन्न तहमा भएको व्यापक छलफल र बहसपछि अब कनकाई नगरको नेतृत्व सर्वसम्मत बनेको हो ।
यसरी सर्वसम्मत बनेको नगर कमिटीको अध्यक्षमा खड्गप्रसाद प्रसाईँ, उपाध्यक्षमा विनोद रानामगर, सचिवमा देवीप्रसाद उप्रेती, उपसचिवद्वयमा दिपक चापागाईँ र खिनमाया आचार्य खतिवडा रहेको निर्वाचन समितिले कनकाई खबरलाई जानकारी दिएको छ ।
नगर कमिटीको नेतृत्व चयनकालागि स्थानीय वुद्धिजीवी एवम् शिक्षासेवी अखिलकुमार कोइरालाको संयोजकत्वमा कर्णवहादुर डाँगी र हरिप्रसासद तिम्सिना सदस्य रहेको निर्वाचन समिति बनेको थियो । त्यस्तै १ नं. प्रदेश सभा सदस्य समेत रहेका नेकपा एमालेका नेता हिराकुमार थापाको संयोजकत्वमा पार्टीका अग्रज व्यक्तित्वहरु प्रेमप्रसाद दहाल, टंकवहादुर कार्की, खेमनाथ मिश्र र अखिलकुमार कोइराला सदस्य रहेको अध्यक्ष मण्डलले नेकपा एमाले कनकाई नगरको नेतृत्व चयनकालागि महत्वपूर्ण भूमिका खेलेको बताइएको छ ।
पार्टीको ७५ सदस्यीय नगरकमिटीका अन्य सदस्यहरुमा क्रमशः
वडा नं.१ बाट शुशिल पोखरेल, लीलाप्रसाद तिम्सिना, दलबहादुर थापा, इन्दिरा बराल र सीता अधिकारी रहेका छन् ।
त्यस्तै वडा नं. २ बाट श्यामसुन्दर ओली, भिष्म मैनाली, तोयानाथ अधिकारी, बलराम राई, पर्शुराम गिरी , तुलसामाया चापागाईं, नरादेवी मगर रहेका छन् ।
त्यस्तै वडा नं. ३ बाट डिल्लीराम उप्रेती, मनोहरी विमली, नरेन्द्रप्रसाद फुयल, ख्यामप्रसाद ओली, मनकुमार न्यौपाने, विश्वविजय खरेल, कमलप्रसाद कट्टेल, मिनाल तिम्सिना, कृष्णमाया भुजेल, दिव्यश्वरा शिवाकोटी, मन्दिरा सुवेदी, प्रमिला खरेल रहेका छन् ।
त्यस्तै वडा नं.४ बाट राजेन्द्र डाँगी, धर्मेन्द्र सुवेदी, प्रदिप वि. क., नविनकुमार राई, लोकनाथ ढुङ्गाना, ताराबहादुर कोइराला, टीका गौतम, मञ्जुदेवी संग्रौला रहेका छन् ।
वडा नं ५ बाट पुन्यप्रसाद ओझा, विनोद सुब्बा, हेमकर्ण अधिकारी, इन्दिरादेवी अधिकारी, नरकुमारी गुरुङ, कल्पना उपाध्याय काफ्ले रहेका छन् ।
वडा नं. ६ बाट सूर्यप्रसाद पौडेल, धर्मेन्द्र भट्टराई , कमल कुमार बस्नेत, खिनमाया बस्नेत रहेका छन् । त्यस्तै वडा नं. ७ बाट शिवराज बस्नेत, पर्शुराम दाहाल,. प्रकास शिवाकोटी, गीता चौहान रहेका छन् ।
त्यस्तै वडा नं. ८ बाट सूर्यमान भारती, थामनारायण गिरी, सुनिता खरेल सिग्देल, सरिना कार्की, यसोदा मैनाली रहेका छन् । वडा नं. ९ बाट केवलनाथ पराजुली, नरमान श्रेष्ठ, राजेन्द्र उप्रेती, नर्वदा संग्रौला, गौरा उप्रेती रहको बताइएको छ ।
आदिवासी मधेशी तर्फ नवलकिशोर दत्त, युवराज राजवंशी र शान्ता चौधरी रहेका छन् । त्यस्तै अल्पसंख्यक तर्फ अनिल गोयल, माराङ हास्दा रहेका छन् । दलित तर्फ देवेन्द्र दर्जी, सञ्जिता ल्वागुन, निर्मला कार्कीडोली रहेको बताइएको छ ।
जनजाती तर्फ भिमप्रसाद प्रधान, लक्ष्मीकुमार राई, गम्भिरबहादुर राई, मनमाया तामाङ् जिवनकुमार श्रेष्ठ र गोमा खवास रहेको निर्वाचन समितिले जनाएको छ ।
