कनकाई खबर \ दिपावलीको अवसरमा नारी सञ्चार गृह झापाले जिल्लाका सबै दलका नेतालाई उपस्थित गराएर देउसीभैली कार्यक्रम गरेको छ ।
सुरुङ्गा बजारको होटल डिलाइटको प्रांगणमा आयोजित कार्यक्रममा कनकाई नगरपालिकाका प्रमुख राजेन्द्र पोखरेल र उपप्रमुख मञ्जु प्रसाईसहित दलका जिल्ला नेताहरुको रमाइलो सहभागिता रहेको थियो ।
प्रदेश नं. १ का पूर्व मन्त्री तथा सांसद् हिरा थापा, नेपाली कांग्रेस झापाका पूर्व उपसभापति देउमान थेबे, नेकपा एमालेका जिल्ला सचिवालय सदस्य शिव ढुंगेल, वरिष्ठ साहित्यकार कोमल पोखरेल, सुरुंगा जेसिज एवम् लायन्स क्लव अफ कनकाई सुरुंगाका संस्थापक अध्यक्ष लिला चिमरिया, होटल डिलाइटका सञ्चालक खेम ओली, नेपाल पत्रकार महासंघका पूर्व केन्द्रि सदस्य मोहनकाजी न्यौपाने, महासंघ झापाका कार्यवाहक अध्यक्ष केशव भट्टराई, फोनिज झापाका अध्यक्ष विशाल नेम्वाङ एवम् आयोजक संस्थाकी संस्थापक अध्यक्ष सावित्रा दहाल, निवर्तमान अध्यक्ष अम्बिका भण्डारी लगायत अन्य पदाधिकारीसहित प्रेस क्लबका पदाधिकारीहरुको समेत उल्लेख्य सहभागिता रहेको कार्यक्रमको अध्यक्षता नारी सञ्चार गृहकी अध्यक्ष भीमा शिवाकोटीले गरेकी थिइन् । स्वागत मन्तब्य कनकाई सुरुङ्गा प्रेस क्लवका अध्यक्ष राम निरौलाले गरेका थिए ।
नारी सञ्चार गृहको अक्षय कोष वृद्धिका लागि कार्यक्रम आयोजना गरिएको अध्यक्ष शिवाकोटीले जानकारी दिइन् । कार्यक्रमको संयोजन प्रेस क्लवले गरेको थियो । साहित्यकार कोमलप्रसाद पोखरेल, नगरप्रमुख राजेन्द्र पोखरेल, नेपाली कांग्रेसका पूर्व उपसभापति देउमान थेबे लगायतका अतिथिले देउसी भट्याउन सुरु गरेर कार्यक्रम उद्घाटन गरेका थिए । सो अवसरमा पिनाकी कोइराला, लीला अनमोल र माया मितुले देउसी गीत, कविता र गजल प्रस्तुत गरेका थिए ।
