झापा / नेकपा एमाले अध्यक्ष तथा पूर्व प्रधानमन्त्री केपी ओलीले सबै कार्यकताहरुलाई एक ढिक्का हुन आग्रह गरेका छन् । आज झापाको विर्तामोडमा आयोजित एक कार्यक्रममा सम्वोधन गर्ने क्रममा उनले एकिकृत समाजवादीमा गएका नेता तथा कार्यकर्ताहरुलाई एमालेमा फर्केर एक ढिक्का हुन आग्रह गरेका हुन् ।
नेकपा एमाले देश बनाउन हिंडेका साथीहरूको पार्टी हो’, ‘माधव नेपाल जस्ता देशी विदेशी तत्वहरुको सेवामा, उनीहरूसँग साँठगाँठ गरेर, कम्युनिस्ट आन्दोलनलाई समाप्त पार्नेहरूका लागि यो पार्टीले लिँदैन ।’ उनले भने माधव नेपाल बाहेक अरु नेता तथा कार्यकताहरुलाई एमाले फर्किएर काम गर्न म आग्रह गर्छु ।
कांग्रेस नेतृत्वको गठबन्धन सरकार साढे तीन महिना नपुग्दै ढलपल गरिरहेको बताउँदै एमाले अध्यक्ष ओलीले भने, ‘एमाले नेतृत्वको सरकारलाई चौतर्फी घेराबन्दीमा पारेर पनि हटाउन तीन वर्ष लागेको सबैलाई थाहा छ । आफै भन्नुस् यो सरकार कति कमजोर छ ।’ अध्यक्ष ओलीले राजदूत फिर्ता गरेर प्रधानमन्त्री विदेश भ्रमणमा जानु लज्जास्पद भएको टिप्पणी गरे ।
एमालेले जस्तो विधान महाधिवेशन र देशैभर एकैदिन वडा अधिवेशन अर्को कुनै पनि दलले गर्न नसक्ने अध्यक्ष ओलीको जिकिर थियो । ‘अरु कुनै पार्टीले यस्तो गर्न सक्दैन, यो सामर्थ्य अरुसँग छैन,’ उनले भने, ‘एमाले विचारमा मात्र होइन, लोकतान्त्रिक आचमरणमा पनि अगाडि छ ।’
कार्यक्रममा विएण्डसी मेडिकल कलेज विर्तामोडका सञ्चालक दुर्गाप्रसाई सहित ३ हजारलाई एमालेमा प्रवेश गरेका थिए । एमालेका नवप्रवेशीलाई ओलीले भने, ‘एमाले प्रवेश गरेकोमा कुनै दिन पनि पछुतो मान्नुपर्दैन ।’
