Header Ad Header Ad Header Ad Header Ad

Most Viewed

Categories

Header Ad

प्रकाशकीय : कनकाई खबर चौथो वर्षमा

कनकाई खबर / कनकाई खबर साप्ताहिक प्रकाशनको चौथो वर्षमा प्रवेश गरेको छ । समाजको सबै क्षेत्रको दरिलो साथ र समर्थन प्राप्त गरेकै कारण हाम्रो यो यात्रा निरन्तर अगाडि बढिरहने विश्वास दिलाउन चाहन्छौँ । हामी यस अवसरमा बलियो साथ दिनुहुने श्रद्धेय पाठक, सहयोगी विज्ञापनदाता, सिर्जनशील लेखक, सहयोगी एवम् शुभचिन्तक महानुभावहरुमा हार्दिक आभार प्रकट गर्दछौँ ।

पाली पत्रकारिता अझै पूर्ण व्यावसायिक बन्न सकेको छैन । त्यसमा पनि मोफसलका सञ्चार माध्यमहरु अभावका बीचमा सञ्चालन भइरहेका छन् । सञ्चार क्षेत्रको सबैभन्दा ठूलो समस्या भनेकै आर्थिक स्रोत हो । अभावका बीचमा पनि कुनै दबाब र प्रभावमा नपरिकन पूर्ण प्रेस स्वतन्त्रता र पत्रकारिताको धर्म र मर्म अनुरुप निष्पक्ष ढंगवाट अघि बढ्दै हामी चौथो वर्षमा प्रवेश गरेका हौँ ।

अरु क्षेत्रसँगै पत्रकारिता पनि कोरोना महामारीबाट प्रभावित बन्न पुगेको छ । यो विषम परिस्थितिमा हामी कति पनि विचलित भएनौँ । अभावका बाबजुद पनि जनतालाई सही र सत्य समाचार दिन हामी प्रयासरत् छौँ । कठिन अवस्थालाई सहज बनाउने प्रयत्नबाट हामी कति पनि विचलित भएनौँ र हुँदैनौँ । यो हाम्रो विश्वास हो ।

प्रविधिको विकाससँगै अघि बढेको अनलाइनसहितको कनकाई खबरले स्थानीय मुद्दाको संवेदनशीलतालाई अझै प्रभावकारी बनाएका छौँ । स्थानीय समाचार सधैंभरी हाम्रो प्राथमिकतामा पर्ने कुराको विश्वास दिलाउँदछौँ । आगामी दिनमा थप परिस्कृत बन्दै स्थानीय विषयलाई अझै गहिरो खोज र अनुसन्धान मार्फत पाठकमाझ पस्किरहने प्रतिवद्धता व्यक्त गर्दछौँ ।

निश्चय नै अहिले पनि देशमा कोरोनाले आक्रान्त बनाएको छ । न्याय र अधिकार माग गर्नेहरु सडकमा अझै सक्रिय छन् । सत्तामा जोसुकै पुगे पनि आन्तरिक व्यवस्थापनमा देखिएको समस्याका कारण घातक श्रृंखला दोहोरिने गरेको यथार्थ सबै सामु छर्लङ्ग छ । यी र यस्तै विविध विषयवस्तुको पल पलको खबर जनता माझ राख्नका लागि यस साप्ताहिकको अनलाइन संस्करण समेत सञ्चालनमा रहेको पाठक वर्गमा सर्वविधित नै छ । अनलाइनमार्फत पनि अध्ययन गर्न सकिने यस अखबारका विषयमा केही सल्लाह सुझाव भएमा सम्पादकको व्यक्तिगत म्यासेन्जरमा सम्प्रेषण गर्न सहज हुने कुरालाई प्राथमिकता दिन चाहन्छौँ ।

अन्त्यमा, कनकाई खबर साप्ताहिकको चौथो वार्षिकोत्सवको अवसरमा नजिक आइरहेको नेपालीहरुको महान चाड वडादशैं, दिपावली, छठ पर्व, नेपाल सम्बद लगायतका चाडपर्वहरुको समेत सबैमा हार्दिक मंगलमय शुभकामना व्यक्त गर्दछौँ।

Facebook Comments Box

    Leave Your Comment

    Your email address will not be published.*

    Header Ad