Header Ad Header Ad Header Ad Header Ad

Most Viewed

Categories

Header Ad

“गठबन्धनले एमालेलाई थप शक्तिशाली बनाइदियो” : पूर्व मन्त्री विष्ट

कनकाई खबर / नेकपा एमालेका सचिव एवम् पूर्व मन्त्री गोकर्ण विष्टले वर्तमान गठबन्धनमा रहेको परमादेश सरकारले एमालेलाई थप शक्तिशाली बनाएको बताएका छन् ।

झापाको सुरुङ्गामा कनकाई सुरुङ्गा प्रेस क्लवद्वारा आयोजित समसामयिक देशको राजनीतिका विषयमा केन्द्रित पत्रकार भेटघाट कार्यक्रमलाई सम्बोधन गर्दै नेता विष्टले एमालेसँग एक्लाएक्लै चुनावमा लड्न नसकिने निष्कर्षमा पुगेको गठबन्धनले एमालेलाई शक्तिशाली दल ठानेको दावी गरे । नेकपा एमाले त्यस्तो पार्टी हो जोसँग विचार र कार्यक्रम छ, यहि मान्यताका आधारमा एमाले अघि बढेको भन्दै विष्टले परमादेश सरकारबाट जनताले कुनै अपेक्षा नगरेको बताएका छन् ।

‘एमालेको शक्ति र जनताको समर्थन भएकाले हामीसँग कोहि पनि चुनावमा एक्लै भिड्न सक्दैनन’, विष्टले भने,– ‘अबको निर्वाचनमा एमालेले एक्लै नै बहुमत प्राप्त गर्ने छ ।’
प्रेस क्लवका अध्यक्ष रामप्रसाद निरौलाको सभापतित्वमा सम्पन्न कार्यक्रमलाई सम्बोधन गर्ने क्रममा सचिव विष्टले, गठबन्धनको सरकारले २४ घण्टामा पूरा गर्नु पर्ने काम तीन महिना लगाएर मुल्याङकनको समायवधिभित्र मन्त्रीपरिषद् विस्तार गर्दै समय विताएको बताए । उनले यो समयावधिमा आएर मन्त्री मात्रै बनाउने काम गरेको हुनाले गठबन्धनको सरकारप्रति थप आशा गर्न नसकिने दावी गरे ।

कनकाईमा पार्टीको विभिन्न कार्यक्रममा सहभागी हुन आएका विष्टले अब जनताको चहाना पुरा गर्ने जिम्मा एमालेकै भएकाले त्यसका लागि तयारीमा रहन नेता कार्यकर्तालाई आव्हान समेत गरेका छन् । उनले माओवादी अध्यक्ष पुष्पकमल दाहालको पछिल्लो अभिव्यक्ति विरुद्ध कडा आलोचना गरेका छन् । संसदीय अभ्यासको जीवनमा माओवादीलाई एमालेले प्रवेश गराएको बताउँदै अबको निर्वाचनमा जनताले माओवादीलाई संसदमै छिर्न नदिने दावी गरे ।

यस्तै, मन्त्रीपरिषद् विस्तारमा प्रधानन्यायाधीशले भागवण्डा खोजेर परामादेश जारी गर्दाको हिसाव मिलान गरेको विष्टको भनाई थियो । नेता विष्टले प्रधानन्यायाधीशको गतिविधि र गठवन्धनको गलत अभियानले मुलुकलाई ठूलो क्षति पुर्याएको भन्दै नेकपा एमालेले अन्य पार्टीको विरोध गर्दै हिड्नु भन्दा पनि अब केही दिन उनीहरुको गतिविधिकै मुल्यांकन गर्नु पर्नेमा जोड दिए ।

कनकाई सुरुङ्गा प्रेस क्लवकी उपाध्यक्ष सावित्रा दहाल भट्टराईले स्वागत तथा सचिव मनोज बस्नेतले संचालन गरेको कार्यक्रममा संघीय सांसद एल.पी.साँवा लिम्बू, प्रदेश १ का भूमि व्यवस्था तथा कृषि मन्त्री हिराकुमार थापा, नेकपा एमाले केन्द्रिय कमिटीका सल्लाहकार वालकृष्ण मैनाली, प्रदेश कमिटी सदस्य टंकवहादुर कार्की, प्रेम दहाल, पार्टीको जिल्ला कमिटि सचिव मदन अधिकारी, क्षेत्रीय कमिटी सदस्य खेमनाथ मिश्र, प्रेस चौतारी झापाका अध्यक्ष टिकाराम उप्रेती, उपाध्यक्ष प्रदिप परियार, एमाले कनकाई नगर कमिटीका अध्यक्ष रविन्द्र लम्साल, कनकाई नगरपालिकाका प्रवक्ता एवम् वडा नं.४ का वडाअध्यक्ष गोविन्द पौडेल, वडासदस्य रोशन सुवेदी, समाजसेवी श्यामसुन्दर ओली, ख्याम ओली, दिपक चापागाईँ लगायतको सहभागिता रहेको थियो ।

Facebook Comments Box

    Leave Your Comment

    Your email address will not be published.*

    Header Ad