कनकाई खबर / झापाको कनकाईमा संचालन भएको वडास्तरीय नकआउट फुटवल प्रतियोगिता हाललाई स्थगीत भएको छ ।
यहि असोज १७ गते उद्घाटन भई २५ गते समापन हुने गरी संचालन भएको प्रतियोगिता विभिन्न प्राविधिक समस्याका कारण स्थगीत गर्नु परेको भन्दै कनकाई नगर खेलकुद विकास समितिका अध्यक्ष रविन्द्र लम्सालले दुःख व्यक्त गरेका छन् । सेमीफाइनलका अन्तिम खेलहरु संचालन भइरहेको समयमा खेलमा उत्पन्न असहज परिस्थितीका कारण अर्को सुचना जारी नहुन्जेल सम्मकालागि आजकै मितिदेखिका बाँकी सबै खेलहरु स्थगीत गरिएको समितिका अध्यक्ष लम्सालले बताए ।
समितिको आज आइतवार बसेको आकस्मीक बैठकले वडास्तरीय फुटवल प्रतियोगिता स्थगीत गरिएको खेल संयोजक गोविन्द उप्रेतीले जानकारी दिए । साथै नगर खेलकुद विकास समितिले सम्पूर्ण खेलाडीसहित खेलप्रेमी महानुभावहरुलाई खेलप्रति सकारात्मक एवं रचनात्मक सल्लाह सुझावकालागि अनुुुरोध गर्दै नजिक आइरहेका सम्पूर्ण चाडपर्वहरुका विषयमा हार्दिक मंगलमय शुभकामना व्यक्त गरेको छ ।
