कनकाई खबर \ झापाको कनकाईमा निर्माणाधीन घरबाट लडेर निर्माण मजदूरको निधन भएको छ ।
जिल्ला प्रहरी कार्यालय झापाका अनुसार मृत्यु हुनेमा कनकाई नगरपालिका– ३ निवासी निर्माण मजदुर ६५ वर्षीय रुद्र अधिकारी रहेका छन् । कनकाई नगपालिका वडा नम्बर ४ स्थित त्रिवेणी टोल निवासी दुर्गा नेपालको दुई तले निर्माणाधीन घरमा काम गर्ने क्रममा सोमबार बिहान साढे ११ बजे दोस्रो तलाबाट अधिकारी भुइँमा खसेका थिए ।
लडेर गम्भीर घाइते भएका अधिकारीको उपचारको क्रममा बिएण्डसी अस्पताल विर्तामोडमा मृत्यु भएको प्रहरीले जनाएको छ । घटनाबारे इलाका प्रहरी कार्यालय विर्तामोडले अनुसन्धान गरिरहेको जनाएको छ ।
कमेन्टस्
