Header Ad Header Ad Header Ad Header Ad

Most Viewed

Categories

Header Ad

कनकाईमा १ हजार ७ सय ९१ जनाले लगाए भेरोसिल खोप

कनकाई खबर / झापाको कनकाईमा छुट्टा छुट्टै तीन स्थानमा भएको कोरोना विरुद्धको खोप अभियानमा आज १ हजार ७ सय ९१ जनाले भेरोसिल खोपको पहिलो मात्रा लगाएका छन् ।

कनकाईको खोप अभियानमा प्राथमिक स्वास्थ्य केन्द्र सुरुङ्गाको खोप केन्द्रमा ६५ डोज र वडा नं.१ र २ को खोप सेवा संचालन भएको नगरपालिकाको खोप केन्द्रमा ८ डोज गरी जम्मा ७३ डोज खोप हिसावमा नआएको खोप केन्द्रमा राखिएको रजिष्टरले देखाएको छ । सुरुङ्गास्थित प्राथमिक स्वास्थ्य केन्द्रमा ६ सय ३५ जनाले खोप सेवा लिएको सोही खोप केन्द्रका प्रमुख कुलबहादुर गुरुङ्ले बताएका छन् । खोप लगाउँनकालागि स्वास्थ्य केन्द्रमा भण्डारण गरी राखिएको ७ सय डोज खोप बाहिर निकालिएको भएपनि अरु ६५ डोज खोपका बारेमा आँफू पनि अन्यौलमा रहेको प्राथमिक स्वास्थ्य केन्द्रका डा.मनिश तिमल्सिना बताउँछन् ।

भण्डारण गरीएको खोपको जिम्मेवार व्यक्ति केन्द्रका स्वास्थ्यकर्मी राजु दङ्गालका अनुसार ३ सय ५० भायल अर्थात ७ सय डोज खोप उनी आँफैले बाहिर निकालिदिएको हो । खोपको पहिलो ३ सय डोज कनकाई नगरपालिकाका स्वास्थ्य शाखा प्रमुख खगेन्द्र दङ्गालले बुझिलिएको हो । त्यस्तै दोस्रो पटक २ सय डोज स्वास्थ्यकर्मी सर्मिला सेड्याइँले र तेस्रो पटक २ सय डोज स्टाप नर्स सरस्वती मास्केले बुझिलिएको केन्द्रका राजु दङ्गाल बताउँछन् । तर खोप केन्द्रको रेकर्डमा भने ६३५ जनाले मात्र सेवा लिएको देखिन्छ ।

१०२ वर्षिय रेणुका पोखरेलले खोप सेवा लिँदै

कनकाई ३ का वडाअध्यक्ष रुद्रप्रसाद चिमरीयासहित वडासदस्यहरु, खोप केन्द्रका प्रमुख कुलबहादुर गुरुङ्, सुरक्षाकर्मी, पत्रकार, खोप केन्द्रका अन्य प्रतिनिधिसहितको उपस्थितीमा सो संख्या प्रमाणित गरेर वडाअध्यक्षले रजिष्टर जिम्मा लिएको बताइएको छ ।

यस बारेमा नगरपालिकाका स्वास्थ्य शाखा प्रमुख खगेन्द्र दङ्गाललाई राखिएको जिज्ञासामा खोप सेवा लिएका अरु ५५ जनाको रजिष्टरमा रेकर्ड राख्न छुटेको उनी बताउँछन् । त्यस्तै वडा नं.१ र २ को खोप सेवा संचालन भएको कनकाई नगरपालिकाको खोप केन्द्रका प्रमुख कृष्णप्रसाद रिमालले रेकर्ड राख्ने काममा कमजोरी भएको हुन सक्ने बताए ।

नगरपालिकाले आजदेखि तीन दिन सम्म खोप कार्यक्रम संचालन गर्ने गरी सार्वजनिक गरेको सुचनाका आधारमा भेरोसिल खोपको पहिलो मात्रा अन्तर्गत आज आइतवार लक्षित समूह ५५ वर्ष र सो भन्दा माथिको उमेर समूहका १ हजार ७ सय ९१ जनाले खोप सेवा लिएका हुन् । जसमध्ये कनकाई ३ की १०५ वर्षिय जानकीदेवी घिमिरे र कनकाई १ की १०२ वर्षिय रेणुका पोखरेल, ९५ वर्षका मुक्तिनाथ अधिकारी लगायतका जेष्ठ नागरीकले समेत खोप सेवा लिएका छन् ।

खोप कार्यक्रम अन्तर्गत कनकाईको वडा नं.८ र ९ लाई कनकाई ९ को वडा कार्यालयमा खोप सेवा संचालन गरिएको सोही खोप केन्द्रका प्रमुख यदु उप्रेती बताउँछन् । यसरी संचालन गरिएको खोप अन्तर्गत ५ सय जनाले खोप सेवा लिएको कनकाई ९ का वडाअध्यक्ष प्रेमप्रसाद राजवंशीले जानकारी दिएका छन् । खोप अभियानमा वडाका जनप्रतिनिधि, कर्मचारी, रेडक्रसकर्मी, शिक्षक लगायतको सहकार्य रहेको बताइएको छ ।

Facebook Comments Box

    Leave Your Comment

    Your email address will not be published.*

    Header Ad