Header Ad Header Ad Header Ad Header Ad

Most Viewed

Categories

Header Ad

आरोपितलाई निलम्बन गरी खोप अनियमितता काण्ड छानबीन गर्न पाँच दलको आग्रह

बिर्तामोड \ बिर्तामोड नगरपालिकाको खोप अनियमितता सम्बन्धी घटनाका दोषीलाई तत्काल सेवाबाट निलम्बन गरेर आवश्यक अनुसन्धान गरी घटनाको अध्ययन अनुसन्धान गरी कारबाही गर्न झापाका पाँच राजनीतिक दलले माग गरेका छन् ।

नेपाली कांग्रेस झापाका सभापति उद्वव थापा, नेकपा माओवादी केन्द्रका सचिव मणिकुमार राई, जनता समाजवादी पार्टी नेपालका झापा अध्यक्ष दिपेनबाला राई, राष्ट्रिय प्रजातन्त्र पार्टी झापाका अध्यक्ष केशव ओझा र राष्ट्रिय जनमोर्चाका अध्यक्ष सन्तोषकुमार राईले संयुक्त प्रेस विज्ञप्ति निकालेर सो माग गरेका हुन् ।

सर्वसाधारणले खोप लगाउन नपाउने तर होटलमा लुकाएर राखेको घटना निन्दनीय, अमानवीय र अक्षम्य अपराध भएकोले सो घटनाप्रति खेद व्यक्त गर्दै उनीहरुले कारबाहीको माग गरेका हुन् ।

घटनाको सत्यतथ्य बाहिर नआएसम्म स्वास्थ्य कार्यालय झापाका प्रमुख र बिर्तामोड नगरपालिका स्वास्थ्य शाखाका कोरोना फोकल पर्सन खड्कालाई निलम्बन गर्न समेत विज्ञप्तिमार्फत माग गरिएको छ ।

‘तत्काल स्वास्थसेवा बाहेकका ब्यक्तित्वको सहभागितामा उच्चस्तरीय छानबिन समिति बनाएर झापामा खोप सञ्चालनका क्रममा भएका विकृति, विसंगति र अनियमितताको अनुसन्धान गरेर दोषीमाथि कडा कानूनी कारबाही गर्न डिसिएमसीका अध्यक्षसँग जोडदार माग गर्दछौं’– पाँचदलद्वारा जारी विज्ञप्तिमा भनिएको छ ।

‘होटलमा खोपसहित पक्राउ परेका र होटलमा खोप ल्याइएको विषयमा विरोधाभाषपूर्ण अभिब्यक्ति दिएका बिर्तामोडका औषधि ब्यवसायीसमेत रहेका ओम खड्कालाई घटनाको छानवीन पूरा नभई प्रहरीले छाड्नुले थप शंका उत्पन्न गराएको उनीहरुको जिकिर छ । आरोपितलाई तत्काल नियन्त्रणमा लिई शंकास्पद ब्यक्तिहरुको कल डिटेलसमेतको आधारमा अनुसन्धान अगाडि बढाउन र दोषीउपर कडा कारबाही गर्न हामी जोडदार माग गर्दछौं’ विज्ञप्तीमा भनिएको छ ।

Facebook Comments Box

    Leave Your Comment

    Your email address will not be published.*

    Header Ad