Header Ad Header Ad

Most Viewed

Categories

बिएन्डसी अस्पतालमा अत्याधुनिक ल्याब संचालनमा

कनकाई खबर / झापाको विर्तामोडस्थित बिएन्डसी मेडिकल कलेज तथा टिचिङ हस्पिटल साथै पूर्वाञ्चल क्यान्सर अस्पतालमा अत्याधुनिक प्रयोगशाला(ल्याब) संचालनमा आएपछि सबै किसिमका क्यान्सर रोगीहरुले भरपर्दो उपचार सेवा पाउँन थालेका छन् ।

अस्पतालले विश्वस्तरीय प्रयोगशाला संचालनमा ल्याएको जानकारी दिँदै बिएन्डसीका कार्यकारी निर्देशक दुर्गा प्रसाईँले अब सबै किसिमका क्यान्सरका रोगीहरुको उपचार सेवा बिएन्डसीमै सहज हुने बताए ।

अस्पताल परिसरमा पत्रकार सम्मेलनको आयोजना गर्दै कार्यकारी निर्देशक प्रसाईंले अत्याधुनिक ल्याब सञ्चालनमा ल्याइएको जानकारी दिए । ल्याब संचालनमा आएपछि अब जटिल किसिमका रोग पत्ता लगाउन साथै उपचार सेवाकालागि समेत सेवाग्राहीले टाढा जानु नपर्ने बताइएको छ । समयमै रोगको पहिचान हुन नसक्दा उपचारकै अभावमा मानिसको ज्यान जाने गरेको दृष्टान्त बताउँदै अस्पतालका कार्यकारी निर्देशक प्रसाईले सबै किसिमका रोगको पहिचान साथै उपचार सेवाकालागि एक पटक बिएन्डसी अस्पताललाई समयमै सेवा गर्ने अवसर प्रदान गर्न सम्बन्धित सबैलाई अनुरोध गरेका छन् ।
विश्वस्तरीय अत्याधुनिक उपकरण साथै त्यत्तिक्कै दक्ष जनशक्ति भएका कारण उपचार सेवाकालागि भारत लगायत अन्य मूलुकमा जानु नपर्ने भन्दै अस्पतालका प्याथोलोजिष्ट डा.उज्वल राईले विश्वका अन्य ल्याबमा परीक्षण गरिने सबै प्रकारका रोग बिएन्डसीमा भएको ल्याबबाट छोटो समयमै पत्ता लगाउन सकिने जानकारी दिए ।

अस्पतालमा फाइन निडल अस्पिरेसन साइटोलोजी (एफएनएसी) र बायोप्सी परीक्षण गर्न सकिने डा. राईले जानकारी दिए । फोक्सो लगायत शरीरका भित्री अंगमा सुइको माध्यमबाट क्यान्सरजस्ता जटिल रोग पत्ता लगाउन एफएनएसी परीक्षण हुने गरेको बताइएको छ ।

बिएन्डसीबाटै हुँदै आएको बायोप्सी परीक्षण पनि थप अत्याधुनिक र स्तरीय बनाइएको डा. राईले जानकारी दिए ।
अत्याधुनिक ल्याबको अभावमा रोगको पहिचान हुन नसकेर धेरै बिरामीको उचित समयमा राम्रो उपचार हुन नपाउँदा ठूलो धनराशी खर्च हुने गरेको कुरालाई मध्यनजर गर्दै बिएन्डसीले विश्वस्तरीय ल्याब स्थापना गरेर सञ्चालनमा ल्याएको अस्पतालका जनसम्पर्क अधिकारी प्रोमिश गिरीले जानकारी दिए ।

Advertisement :

Facebook Comments Box

    Leave Your Comment

    Your email address will not be published.*