Header Ad Header Ad

Most Viewed

Categories

कोरोना संक्रमित सदस्यको घर घरमा दोमुखा बहुउद्येश्यीय

कनकाई खबर \ कोरोना महामारीको दोस्रो लहरसँगै संक्रमित भएका शेयर सदस्यहरुलाई कनकाई ३ सुरुङ्गास्थित दोमुखा बहुउद्येश्यीय सहकारी संस्थाले पोसिलो खानेकुरा वितरण गरेको छ ।

कोरोना महामारीका विच उत्पन्न असहज परिस्थितीलाई मध्यनजर गर्दै संस्थाले आफ्नो २३औं वार्षिक उत्सवको अवसर पारेर संक्रमित सदस्यहरुको घर घरमै गएर पोसिलो खानेकुरा हस्तान्तरण गरेको हो । संक्रमित सदस्यहरुलाई चेवनप्रास, मह, काजु लगायतको पोसिलो खानेकुरा वितरण गर्ने कार्यको सुरुवात गरेको संस्थाका सचिव छवि थपलियाले बताए । सचिव थपलियाका अनुसार हाल सम्ममा संस्थाका २६ जना शेयर सदस्यहरु कोरोना संक्रमणमा परेका छन् । होम आइसोलेशनमा रहेका संक्रमित धेरै सदस्यहरु सामान्य अवस्थामा आइसकेका छन् भने अन्य केही सदस्यहरु हालसम्म पनि होमआइसोलेशनमै रहेको बताइएको छ ।

वार्षिक उत्सवको अवसरमा थोरै भएपनि पोसिलो खानेकुराका साथमा संक्रमित सदस्यहरुलाई सहानुभूति प्रकट गर्ने उद्येश्यले विहिबारदेखि घरदैलो कार्यक्रमको सुरुवात गरिएको संस्थाका व्यवस्थापक रमेश बारकोटीले बताए । पहिलो चरणको घरदैलो कार्यक्रममा संस्थाका अध्यक्ष भरतकुमार थपलिया, पूर्वअध्यक्ष प्रयागराज काफ्ले , उपाध्यक्ष रोमादेवी खतिवडा, सचिव छवि थपलिया लगायत संस्थाका अन्य पदाधिकारी साथै कर्मचारीहरुको सहभागिता रहेको व्यवस्थापक बारकोटीले जानकारी दिएका छन् ।

कार्यक्रमलाई निरन्तरता दिँदै क्रमिक रुपले संक्रमित सबै सदस्यको घर घरमा जाने योजना बनाएको संस्थाका अध्यक्ष भरतकुमार थपलियाले बताएका छन् । संस्थाको उपस्थितीलाई संक्रमित सदस्यहरुले राहतको महशुस गरेको अध्यक्ष थपलियाले कनकाई खबरलाई जानकारी दिएका छन् ।

हालसम्ममा ३ हजार ९ सय १९ शेयर सदस्य रहेको दोमुखा बहुउद्येश्यीय सहकारी संस्थाले आफ्नो भवन निर्माणकालागि जमिन खरिद गर्ने प्रक्रिया समेत अन्तिम चरणमा पुर्याएको बताइएको छ ।

Advertisement :

Facebook Comments Box

    Leave Your Comment

    Your email address will not be published.*