कनकाई खबर \ रोटरी क्लव अफ सुरुङ्गाको अध्यक्षमा निर्वाचित शुसिलकुमार श्रेष्ठले आज विहिवारदेखि आफ्नो नेतृत्वमा नयाँ कार्यसमिति विस्तार गरी कार्यभार सम्हालेका छन् ।
त्यस्तै रोटरी क्लवकै भातृ संगठन रोट्रयाक क्लव अफ सुरुङ्गाको अध्यक्षमा दिपेन ओलीको नेतृत्वमा रहेको कार्यसमितिले विहिवारदेखि नै कार्यभार सम्हालेको छ । रोटरी क्लवको नेतृत्व गर्दै आएका टिकाप्रसाद कट्टेल र रोट्रयाक क्लवको नेतृत्व सम्हाल्दै आएका डाक्टर मनिष उप्रेती दुवैजना अब आआफ्नो क्लवको निवर्तमान अध्यक्ष भएका छन् । दुवैजनाको नेतृत्वमा क्लवले सामाजिक क्षेत्रमा महत्वपूर्ण भूमिका खेलेको बताइएको छ ।
अन्तर्राष्ट्रिय रुपमा मान्यता प्राप्त सामाजिक संस्था दुवै क्लवको वार्षिक क्यालेण्डर अनुसार आज जुलाई फष्टदेखि नै वर्ष २०२१/०२२ को नयाँ कार्यसमितिले जिम्मेवारी लिनु पर्ने भएपछि दुवैजना अध्यक्षको नेतृत्वमा रहेको टिमले कार्यभार सम्हालेको हो । केहि दिन अघि सम्पन्न क्लवको साधारण सभावाट अध्यक्ष लगायत अन्य केही पदाधिकारीहरु सर्वसम्मत भएका थिए । क्लवको परिधिभित्र रहेर सर्वसम्मत भएका पदाधिकारी साथै अध्यक्षबाट मनोनित भएका अन्य पदाधिकारीसहित क्लवको कार्यसमितिले पदभार ग्रहण गरेको रोटरी क्लवका नवनिर्वाचित अध्यक्ष शुसिलकुमार श्रेष्ठले जानकारी दिएका छन् ।
नेपाल रेडक्रस सोसाइटी कनकाई उपशाखा घैलाडुवाका उपसभापति साथै आदर्श क्याम्पस घैलाडुवाका प्राध्यापक लगायत अन्य विभिन्न सामाजिक संघसंस्थामा समेत क्रियाशिल सामाजिक अभियन्ता श्रेष्ठको नेतृत्वमा रहेको रोटरी क्लवले समाज रुपान्तरणकालागि नयाँ कार्ययोजना बनाएर अघि बढेको बताइएको छ ।
अध्यक्ष श्रेष्ठसँगै क्लवको प्रेसिडेन्ट इलेक्टमा खेमप्रसाद प्रसाईँ, प्रेसिडेन्ट नोमिनीमा मोतिखर ओझा, प्रथम उपाध्यक्षमा शिवकुमार कडेल, द्वितीय उपाध्यक्षमा लुवराज उप्रेती, तृतीय उपाध्यक्षमा डिल्लीराम मैनाली सर्वसम्मत रुपमा चयन भएका छन् । त्यस्तै सचिवमा सरला दहाल पोखरेल, सहसचिवमा बमवहादुर कुँवर, कोषाध्यक्षमा अर्जुन बोहोरा, सहकोषाध्यक्षमा कमल कट्टेल चयन भएका छन् ।
त्यस्तै क्लव एडमिनिस्ट्रेशन चेयरमा विनिता मैनाली, मेम्वरसिप चेयरमा शिव गिरी,पव्लीक इमेज चेयरमा क्लवका संस्थापक अध्यक्ष एलपी उप्रेती(लक्ष्मीप्रसाद), सर्भिस प्रोजेक्ट चेयरमा निवर्तमान अध्यक्ष टिकाप्रसाद कट्टेल , टिआरएफ चेयरमा क्लवका पूर्व अध्यक्ष कुमारमणि पोखरेल, मिडिया कोडिनेटरमा रामप्रसाद निरौला, एसजीटी आर्मसमा मेनुका उप्रेती चयन भएका छन् ।
त्यस्तै क्लवका सदस्यहरुमा ख्यामप्रसाद ओली, मीनाल तिम्सिना, सोम उप्रेती, शुस्मा न्यौपाने, शुसिला बोहोरा, पुष्पा भट्टराई कडेल, तुलसी विमली, रमा ओली, चन्द्रकला कट्टेल, रेणुका मैनाली र यदुका उप्रेती(उषा) सर्वसम्मत रुपमा चयन भएको अध्यक्ष शुसिलकुमार श्रेष्ठले जानकरी दिएका छन् ।
Advertisement :
