Header Ad Header Ad

Most Viewed

Categories

कोरोनाले कनकाईमा फेरि एक युवाको ज्यान लियो

कनकाई खबर / कोरोना भाइरसका कारण कनकाईमा फेरि एक युवाको निधन भएको छ । योसँगै कनकाईमा निधन हुनेको संख्या २० पुगेको बताइएको छ ।

कनकाई ४ निवासी २९ वर्षिय थापा थरका युवाको गए राती १२ः३० बजे विराटनगरस्थित नोबेल अस्पतालमा निधन भएको कनकाई नगरपालिकाका कोरोना फोकल पर्सन नारायण अधिकारीले जानकारी दिए । स्वास्थ्यमा सामान्य समस्या आएपछि भएको पिसिआर परिक्षणबाट संक्रमण पुष्टि भएपछि जेठ २८ गते उनलाई कनकाई नगरपालिकाको आइसोलेशनमा राखिएको थियो । त्यहाँबाट थापालाई थप उपचारकालागि २९ गते नै विराटनगर लगिएको बताइएको छ । विराटनगरस्थित नोबेल अस्पतालमा उपचार भइरहेका थापाको गएराती निधन भएको कनकाई नगरपालिकाका फोकल पर्सन अधिकारीले कनकाई खबरलाई जानकारी दिए । थापाको आजै कनकाई घाटमा नेपाली सेनाबाट परिवारका साथ दाहसंस्कार गरिएको बताइएको छ ।

कनकाईको सुरुङ्गा बजारमा फोटोस्टुडियो संचालन गर्दै आएका ती युवा अत्यन्तै मिहिनेती एवम् सहयोगी भएको कनकाई ४ का वडाअध्यक्ष गोविन्दप्रसाद पौडेलले जानकारी दिएका छन् । श्रीमति, बुबाआमा, दाजुभाइ, दिदीबहिनीसहित दुईजना छोराछोरीका अभिभावक समेत रहेका एक जुझारु युवाको निधनबाट कनकाई नगरले ठूलो क्षति सहनुपरेको भन्दै वडाअध्यक्ष पौडेलले थापाको निधनप्रति गहिरो दु्ःख व्यक्त गर्दै शोकाकुल परिवारजनप्रति धैर्यधारण गर्ने ईश्वरीय शक्ति प्राप्तीको कामना गरेका छन् ।

कनकाई नगर क्षेत्रका होनाहार युवाको निधनप्रति कनकाई खबर साप्ताहिक तथा कनकाई खबर डटकम अनलाइन परिवारले गहिरो समवेदना प्रकट गर्दै शोकाकुल परिवारजनप्रति धैर्यधारण गर्न सक्ने शक्ति प्राप्त होस् भन्दै कनकाई खबरका सम्पादक÷प्रकाशक रामप्रसाद निरौलाले हार्दिक श्रद्धासुमन अर्पण गरेका छन् ।

Facebook Comments Box

    Leave Your Comment

    Your email address will not be published.*