Header Ad Header Ad

Most Viewed

Categories

विवेकशिलका नेता थापाको स्मृतिमा झापामा वृक्षरोपण

कनकाई खबर \ विवेकशिल साझा पार्टीका संस्थापक संयोजक स्व.उज्वल थापाको १३ औं पुण्य तिथीको अवसर पारेर आइतवार झापाका विभिन्न स्थानमा वृक्षरोपण गरिएको छ ।

नेता थापाको अल्पायुमै ४४ बर्षमा निधन भएको थियो । थापाको निधन पछि पार्टीले विज्ञप्ती निकालेर १३ औं पुन्य तिथिमा वृक्षरोपण गर्न सबै पार्टी सदस्यहरुलाई अपिल गरेको थियो ।
बैकल्पिक सुसंस्कृत राजनितिका सुत्रधार रहेका नेता थापाको कोरोना संक्रमण पछि गत जेठ १८ गते काठमाण्डौंको मेडिसिटि अस्पतालमा उपचारको क्रममा निधन भएको थियो ।

विवेकशील साझा पार्टी झापाले आयोजना गरेको वृक्षरोपण कार्यक्रम झापाको दमक र कनकाईमा सम्पन्न भएको हो । कनकाई नगरमा रहेका विभिन्न पर्यटकीय क्षेत्रहरु मध्ये प्राकृतिक सुन्दरताले भरिएको जामुनवारी सामुदायिक वन एवम् जामुनखाडी सिमसार तथा पर्यटकीय क्षेत्रमा फलफूल, टिक, कदम, धुपी लगायतका विभिन्न जातका ३ सय विरुवा रोपिएको विवेकशिल साझा पार्टीका केन्द्रिय सदस्य भीमप्रसाद अधिकारीले बताए ।

केन्द्रिय सदस्य अधिकारीको अध्यक्षता एवम् पार्टीका प्रदेश सदस्य घनेन्द्र खनालको संयोजनमा सम्पन्न कनकाईको वृक्षरोपण कार्यक्रममा जामुनवारी सामुदायिक वन समुहका अध्यक्ष ख्यामराज सिटौला, विवेकशिल साझा युवा संगठन प्रदेश नं.१ का संयोजक प्रशान्त ढकाल, युवा संघका जिल्ला संयोजक राजेन्द्र खनाल, विवेकशिल साझा पार्टीका झापा संयोजक मेदनी प्रसाईँ, सहसंयोजक जयप्रसाद विमली, जिल्ला सचिव केदार चापागाईँ, मोरङ् जिल्ला सदस्य सविन थापा लगायतको उपस्थिती रहेको विवेकशिल साझा पार्टी कनकाई नगर समितिका सचिव खड्गप्रसाद चुडालले जानकारी दिएका छन् ।

त्यस्तै दमक ८ स्थित रतुवा बाँध क्षेत्रमा धुपी, टिक, कदम लगायत विभिन्न जातका २०० विरुवा रोपिएको पार्टीका झापा सह—संयोजक जयप्रसाद विमलीले जानकारी दिएका छन् । विवेकशील साझा पार्टीका दमक नगर संयोजक रेवतचन्द्र भण्डारीको अध्यक्षता एवम् झापाका सह—संयोजक विमलीको संयोजन रहेको कार्यक्रममा दमक नगरपालिका वडा नं.८ का वडाअध्यक्ष पशुपतिराज गौतम, पार्टीका जिल्ला सचिव केदार चापागाईँ, जिल्ला सदस्य तेज श्रेष्ठ र तीर्थराज चाम्लीङ् राई लगायतको उपस्थिती रहेको बताइएको छ ।

Facebook Comments Box

    Leave Your Comment

    Your email address will not be published.*