बिर्तामोड \ झापा बिर्तामोडका उद्योगी, व्यवसायी तथा समाजसेवी दिपेन्द्र पोखरेलको निधन भएको छ ।
कोरोना संक्रमित ५३ वर्षीय उनको काठमाडौँमा उपचार भइरहेको थियो । काठमाडौंको नर्भिक हस्पिटलमा राति १२ बजे पाखरेलको निधन भएको उनका कान्छा भाइ प्रविण पोखरेलले जानकारी दिए । उनी दुई दशकयता निर्माण व्यवसाय तथा प्लाइउड उद्योगमा आवद्ध थिए । बिर्ता बजारका पुराना बासिन्दा उनी नेपाली कांग्रेसका सक्रिय कर्ताकर्ता थिए । पारिवारिक स्रोतका अनुसार अहिले बिहान ८ बजे हेलिकप्टरमार्फत उनको पार्थिव शरीर झापा ल्याइनेछ र आजै कनकाई घाटमा अन्तिम दाहसंस्कार गरिनेछ ।
पोखरेलका पत्नी, एक छोरी र एक छोरा छन् । स्व.पोखरेलप्रति कनकाई खबर डटकम परिवार हार्दिक श्रद्धासुमन अर्पण गर्दछ ।
कमेन्टस्
