कनकाई खबर \ अक्सिजन प्लान्ट निर्माणकालागि राष्ट्रिय युवा संघ नेपाल, कनकाई नगर कमिटीले आज आइतवार सम्ममा ३ लाख ४३ हजार ३०२ रुपैंया सहयोग रकम संकलन गरेको छ ।
कोरोना कहरका विच स्थानीय सरकार कनकाई नगरपालिकाले निर्माण गर्न लागेको अक्सिजन प्लान्टकालागि नगरपालिकालाई सहयोग गर्ने उद्येश्यले युवा संघले अभियान संचालन गरेको जनाएको छ ।
“दिगो समस्या समाधान नै भोलिको दिगो विकासको पुर्वाधार” भन्ने नाराका साथ अभियान संचालन गरेको युवा संघले अझै केही दिन सहयोग संकलन गरेर कनकाई नगरपालिकालाई एकमुष्ट रकम हस्तान्तरण गर्ने योजना रहेको युवा संघ कनकाईका अध्यक्ष विश्वविजय खरेलले कनकाई खबरलाई जानकारी दिएका छन् ।
युवा संघले संचालन गरेको अभियानमा जोडिन पुगेका सहयोगी तथा सामाजिक व्यक्तित्वहरुमा कनकाई नगरपालिका ३ निवासी समाजिक ब्यक्तित्व मौसम श्रेष्ठ र वहाँकी बहिनी ( हाल हङकङ निवासी ) जुना श्रेष्ठ मार्फत ५१ हजार सहयोग रकम प्राप्त भएको छ । त्यस्तै समाजसेवी श्यामसुन्दर ओली र शकुन्तला ओली साथै छोरी खुस्बु ओलीबाट ५१ हजार सहयोग रकम प्राप्त भएको छ । त्यस्तै हाल जर्मनमा भएका कनकाई २ निवासी प्रविन श्रेष्ठबाट ५० हजार, मोरङ्को सुन्दर हरैचा निवासी हाल जर्मनीबाट दिपेन श्रेष्ठले ५० हजार युवा संघलाई यस अघि नै हस्तान्तरण गरेका हुन् ।
त्यस्तै पवित्रा आयल ट्रेडर्स एण्ड सप्लायर्सका सन्चालकहरु क्रमशःकनकाई –३ निवासी टङ्क पाठक र भावना पाठक, धर्म उप्रेती र तारा उप्रेती, प्रकाश सेडाइँ र ममता सेडाइँबाट जम्मा ५१ हजार सहयोग रकम प्राप्त भएको बताइएको छ । सिद्धार्थ सृष्टि कन्सट्रक्सन प्रालि तथा भवानी किरण इन्टरनेशनल प्रालीका प्रबन्ध निर्देशक, कनकाइ ३ निवासी किरण मैनाली मार्फत रु २५,००० रकम प्राप्त भएको बताइएको छ । त्यस्तै पवित्रा आयल ट्रेडर्स एण्ड सप्लायर्सकै म्यानेजर कनकाई –५ निवासी गिरेन्द्र र गङ्गा आचार्यबाट २० हजार, त्यस्तै कनकाई ३ निवासी रमेश र विद्यादेवी सेडाइँबाट १५ हजार सहयोग रकम उपलब्ध भएको युवा संघ कनकाईका पूर्व अध्यक्ष एवम् नेकपा एमाले कनकाई नगर कमिटीका सचिव विनोद रानाले जानकारी दिए ।
अभियानकै क्रममा कनकाई — १ निवासी सामाजिक व्यक्तित्व गङ्गा ढुङ्गेलका सुपुत्र हाल जर्मनमा रहेका मणि ढुङ्गेलबाट १५ हजार सहयोग रकम प्राप्त भएको बताइएको छ । सामाजिक व्यक्तित्व कनकाई ३ निवासी, ख्याम ओली / रमा ओली मार्फत १५,१५१ , सामाजिक व्यक्तित्व, कनकाई ३, निवासी श्री प्रसाद खरेल \ सोमा खरेल मार्फत रु १५,१५१ , सामाजिक व्यक्तित्व, कनकाई ३ निवासी अर्जुन ओली \ गिता ओली मार्फत १५,००० सहयोग रकम प्राप्त भएको बताइएको छ ।
स्वदेश तथा विदेशमा रहेका सहयोगी मनहरुसँग सम्पर्क भइरहेको बताउँदै युवा संघ कनकाईका सचिव केशव शिवाकोटीले कोरोना महामारीको यो संकटमा स्थानीय सरकार कनकाई नगरपालिकाको महान कार्यमा खुल्ला हृदयले सहयोग गर्न सम्वन्धित सवैलाई अपिल गरेका छन् ।
कोरोना महामारीको यो समयमा कोरोना भाइरसका कारण संक्रमित भएका विरामीहरुले सहज रुपमा अक्सिजन नपाएर ज्यान गुमाइरहेको वर्तमान अवस्थामा कनकाई नगरपालिकाले चालेको अभियानका बारेमा झापाको कनकाई नगरबाट प्रकाशन हुँदै आएको यहाँको लोकप्रिय संचार माध्यम कनकाई खबर डटकम अनलाइन मार्फत जानकारी प्राप्त भएपछि आँफूहरुलाई समेत सहयोगको भावना जागेको दाताहरुले बताउँदै आएकाछन् । कनकाई नगरपालिकाले स्थापना गर्न लागेको अक्सिजन प्लान्टकालागि थोरै भएपनि राहत मिलोस् भन्ने उद्येश्यले आँफूहरु युवा संघको अभियान मार्फत जोडिएको समाजिक ब्यक्तित्व मौसम श्रेष्ठले बताए ।
सहयोग रकम ग्रहण गर्दै युवा संघ कनकाईका अध्यक्ष विश्वविजय खरेलले सहयोगी सम्पूर्ण दाताहरुलाई बधाई तथा शुभकामना व्यक्त गर्दै आगामी दिनमा आर्थिक, सामाजिक तथा व्यक्तिगत जीवनको समेत उत्तरोत्तर प्रगतिको कामना सहित हार्दिक आभार प्रकट गरेका छन् ं।
यसका साथै स्वदेश तथा विदेशमा रहेका सम्पूर्ण सहयोगी मनहरुलाई समेत तपशिलमा उल्लेखित विवरणको खातामा रकम जम्मा गरेर पनि सहयोग गर्न सकिने बताइएको छ ।
नेपाल बैंक सुरुङ्गा शाखा, कनकाई नगरपालिका प्रकोप व्यवस्थापन कोष खाता, खाता नम्बर—१४७०३०००००७००२०००००१
