कनकाई खबर \ नकाई नगरपालिकाले स्थापना गर्न लागेको अक्सिजन प्लान्टकालागि राष्ट्रिय युवा संघ नेपाल, कनकाई नगर कमिटीको समन्वयमा एक लाख सहयोग रकम प्राप्त भएको छ ।
युवा संघले संचालन गरेको अभियानमा कनकाई २ मा जन्मिएर वडा नं.३ लाई कर्मथलो बनाएका हाल जर्मन निवासी नेकपा एमालेका सक्रिय सदस्य प्रविन श्रेष्ठले ५० हजार सहयोग गरेका छन् । त्यस्तै मोरङ्गको सुन्दर हरंैचा नगरपालिका—१२ लाई कर्मथलो बनाउँदै आएका हाल जर्मन निवासी नेकपा एमालेका शुभचिन्तक दिपेन श्रेष्ठबाट ५० हजार गरी जम्मा एक लाख रुपैंयाँ सहयोग रकम उपलव्ध भएको युवा संघ कनकाईका पूर्व अध्यक्ष एवं नेकपा एमाले नगर सचिब विनोद रानाले जानकारी दिए । अभियान संचालनमा लागेको युवा संघले एकैदिनमा एक लाख रकम संकलन गरेको बताइएको छ ।युवा संघले संचालन गरेको अभियानमा स्वदेश तथा विदेशमा रहेका अन्य दाताहरु अझै पनि सम्पर्कमा रहेको हुँदा सहयोग रकम संकलनको कार्य जारी रहेको बताइएको छ ।
अत्यन्तै सहयोगी दुवैजना युवाहरुले कोरोना महामारीको यो संकटमा स्थानीय सरकार कनकाई नगरपालिकाको महान कार्यमा सहयोग गर्न पाउँदा खुशी लागेको बताएका छन् । कोरोना महामारीको यो समयमा कोरोना भाइरसका कारण संक्रमित भएका विरामीहरुले सहज रुपमा अक्सिजन नपाएर ज्यान गुमाइरहेको वर्तमान अवस्थामा कनकाई नगरपालिकाले चालेको अभियानका बारेमा झापाको कनकाई नगरबाट प्रकाशन हुँदै आएको यहाँको लोकप्रिय संचार माध्यम कनकाई खबर डटकम अनलाइन मार्फत जानकारी प्राप्त भएपछि आँफूहरुलाई समेत सहयोगको भावना जागेको दाताले बताएका छन् । कनकाई नगरपालिकाले स्थापना गर्न लागेको अक्सिजन प्लान्टकालागि थोरै भएपनि राहत मिलोस् भन्ने उद्येश्यले आर्थिक सहयोग गरेको दाता श्रेष्ठले बताए ।
स्वदेश तथा विदेशमा रहनुभएका सम्पूर्ण सहयोगी मनहरुलाई तपशिलमा उल्लेखित विवरणको खातामा रकम जम्मा गरेर पनि सहयोग गर्न सकिने बताइएको छ ।
नेपाल बैंक सुरुङ्गा शाखा, कनकाई नगरपालिका प्रकोप व्यवस्थापन कोष खाता, खाता नम्बर—१४७०३०००००७००२०००००१
