कनकाई खबर \ झापामा निषेधाज्ञा जेठ मसान्त अर्थात ३१ गतेसम्म थपिएको छ । यसअघिको निषेधाज्ञा आज रातिदेखि सकिने भएकाले यो महिनाभर थप्ने तयारी भएको हो । झापामा बैशाख २२ गतेदेखि शुरु भएको निषेधाज्ञा एक महिना पुगेको छ ।
जिल्ला प्रशासन कार्यालयमा जिल्ला कोभिड व्यवस्थापन समिति (डीसीसीएमसी) को बैठकले जेठ मसान्तसम्म निषेधाज्ञा थप्ने निर्णय गरेको हो । खाद्यान्न पसल हप्तामा २ दिन विहान ६ वजेदेखि ९ वजेसम्म खोल्ने दिने सहमति भएको छ । आजको डीसीसीएमसीको बैठकमा जिल्लामा रहेका राजनीतिक दलका प्रमुख, पालिका प्रमुखलाई पनि आमन्त्रण गरिएको थियो । आजको बैठकलाई विस्तारित बैठक बनाइएको थियो । झापामा कोरोना भाइरसको संक्रमणको दर उच्च रहेको बताइएको छ ।
कमेन्टस्
