कनकाई खबर \ झापामा जारी निषेधाज्ञालाई जेठ १४ गते सम्मका लागि थप गरिएको छ ।
जिल्लामा बिहीबार बसेको डिसीसीएमसीको निर्णय बमोजिम झापामा हाल जारी निषेधाज्ञालाई एक हप्ताका लागि थप गरिएको हो ।
जिल्ला प्रशासन कार्यालयबाट जारी गरिएको सूचनामा निषेधाज्ञामा यस अघि जारी गरिएका आदेशलाई यथावत राखिएको छ ।
झापामा कोभिड १९ संक्रमणको दर बढ्दो अवस्थामा रहेकाले निषेधाज्ञालाई निरन्तरता दिन आवश्यक रहेकाले निषेधाज्ञाको पालना गर्न अनुरोध गरिएको छ ।
आदेशको उल्लघन भएमा कानुन बमोजिम कारबाही गरिने जनाइएको छ ।
कमेन्टस्
