झापा \ झापामा निषेधाज्ञाको सकारात्मक प्रभाव देखिएको छ । कोरोना संक्रमणको अवस्थालाई तुलना गर्दा निषेधाज्ञाको सकारात्मक असर देखिएको हो ।
झापामा पछिल्लो २४ घण्टामा ३५ जना कोरोना संक्रमणमुक्त भएका छन् । संक्रमण बढ्दै गएको झापामा निषेधाज्ञामा कडाई गरेसँगै संक्रमण दरमा कमी आएको हो ।
स्वास्थ्य कार्यालयले दिएको जानकारीमा ३५ जनाले कोरोेना जित्दा एन्टीजेन संक्रमित ३८ सहित ९९ जनामा संक्रमण देखिएको छ । यसअघि शनिबार झापामा १७८ जनामा कोेरोना पुष्टि भएको थियो ।
झापामा थपिएका संक्रमितहरुमा दमकका १९, विर्तामोडमा १२, मेचीनगरमा १०, भद्रपुरमा ५, कनकाई, कचनकबल र वुद्धशान्तीमा १।१, हल्दीबारीमा २४, अर्जुनधारामा ६, गौरीगन्जमा ८, शिवसताक्षीमा ५, कमलमा ७ जना रहेका छन् ।
झापामा एन्टीजेन एक सहित तीनजना संक्रमितको निधन भएको छ । जसमा मेचीनगर, झापा र कमलका रहेका छन् ।
