कनकाई खबर / राष्ट्रिय समाचार समिति (रासस) झापाकी प्रमुख पत्रकार अम्बिका भण्डारीलाई पितृशोक परेको छ ।
प्रेस चौतारी नेपालकी केन्द्रीय सदस्य, नारी सञ्चार गृह झापाकी निवर्तमान अध्यक्ष र लोकतन्त्र पोस्टकी अनलाइन सम्पादक भण्डारीका पिता ९५ वर्षीय लोकबहादुर भण्डारीको आज विहान ७ : ३० बजे निजी निवास इलामको माङ्सेबुङ गाउँपालिका वडा नं. १ तोभाङमै निधन भएको हो । बुढ्यौलीका कारण दुई दशकदेखि घरदेखि टाढा हिँडडुल गर्न नसक्ने अवस्थामा रहेका भण्डारीको शरीरमा कुनै रोग थिएन । तर, दुई महिना अघि घरमै लड्दा दाहिने खुट्टाको कम्मरमुनिको जोर्नी खुस्किएको थियो ।
स्व. भण्डारीका ५ जना छोरा र ९ जना छोरी गरी १४ सन्तान छन् । स्व. भण्डारी अग्रज पत्रकार मोहनकाजी न्यौपाने र प्रेस चौतारी झापाका नेता मुक्ति पौडेलका ससुरा बुबा हुन् । काजी लोकतन्त्र पोस्टका संस्थापक सम्पादक हुन् भने पौडेल जनसंसद् दैनिकका प्रधान सम्पादक हुन् । झापाका दुई पत्रकार परिवारमा एकैसाथ पर्न गएको यो दुःखको क्षणमा कनकाई खबर डटकम परिवारका तर्फबाट हार्दिक समवेदना प्रकट गर्दछौं । स्वर्गीय बुवाप्रति भावपूर्ण श्रद्धाञ्जली ।
