कनकाई खबर \ स्वास्थ्य कार्यालय झापाले आज शुक्रवार जारी गरेको विज्ञप्तीमा झापामा ४५ महिलासहित १४५ जनामा कोरोना भाइरसको संक्रमण पुष्टी भएको छ भने २ जनाको मृत्यु भएको छ ।
स्वास्थ्य कार्यालय झापाका फोकल पर्सन जीवन चौलागाईले दिएको जानकारी अनुसार दमक ३ की ३१ वर्षीय महिला र गौरादह ४ की ५० वर्षीया महिलाको उपचारका क्रममा मृत्यु भएको हो ।
फोकल पर्सन चौलागाईका अनुसार कनकाईमा ११ महिलासहित २० जना संक्रमित भएका छन् । संक्रमित हुनेहरुमा कनकाईको वडा नं.१, ३, ४, ५, ६, ७ र ८ का रहेका छन् । दमकमा ६ महिलासहित २० जना, बिर्तामोडमा १३ महिलासहित २५ जना, गौरादहमा ३ महिलासहित ९ जना, मेचीनगरमा ३ महिलासहित ९ जना, भद्रपुरमा ७ महिलासहित १७ जना, हल्दिबारीमा १ महिलासहित ६ जना, अर्जुनधारामा १ महिलासहित ५ जना, बुद्वशान्तिमा २ महिलासहित ६ जना, कचनकवलमा २ जना पुरुष, कमलमा ३ महिलासहित ७ जना, शिवसताक्षीमा २ महिलासहित ४ जना, बाह्रदशीमा १ महिलासहित २ जना र ठेगाना नखुलेका १ महिलासहित ३ जना साथै एन्टिजेन परिक्षण १ महिलासहित १० जना गरी जिल्लामा १४५ जनामा कोरोना पुष्टि भएको हो ।
योसँगै झापामा कुल संक्रमितको संख्या ५ हजार ९ सय २५, डिस्चार्ज ४ हजार ५ सय ७६ जना, आइसोलेसनमा १ हजार २ सय ३ जना, कुल संक्रमित एन्टिजेन १५९ जना र मृत्यु हुनेको संख्या १४६ जना पुगेको स्वास्थ्य कार्यालयले जनाएको छ ।
