कनकाई खबर \ स्वास्थ्य कार्यालय झापाले आज विहिवार जारी गरेको विज्ञप्तीमा झापामा ८७ महिलासहित १९० जनामा कोरोना भाइरसको संक्रमण पुष्टी भएको छ भने २ जनाको मृत्यु भएको छ ।
स्वास्थ्य कार्यालय झापाका फोकल पर्सन जीवन चौलागाईले दिएको जानकारी अनुसार दमक २ का ५३ वर्षीय पुरुष र मेचीनगर–६ का ४८ वर्षीया पुरुषको उपचारका क्रममा मृत्यु भएको हो ।
फोकल पर्सन चौलागाईका अनुसार कनकाईमा ५ महिलासहित १२ जना, दमकमा ३२ महिलासहित ६४ जना, बिर्तामोडमा ७ महिलासहित २२ जना, गौरादहमा १ महिलासहित २ जना, मेचीनगरमा १३ महिलासहित २२ जना, भद्रपुरमा ४ महिलासहित ११ जना, अर्जुनधारामा ४ जना पुरुष, बुद्वशान्तिमा १ महिलासहित ४ जना, गौरीगन्जमा १० महिलासहित १७ जना, कमलमा ९ महिलासहित २२ जना, शिवसताक्षीमा ४ महिलासहित ६ जना, झापामा ३ जना पुरुष र ठेगाना नखुलेका १ जना महिलासहित जिल्लामा १९० जनामा कोरोना पुष्टि भएको हो ।
योसँगै झापामा कुल संक्रमितको संख्या ५ हजार ७ सय ९०, डिस्चार्ज ४ हजार ५ सय ६५ जना, आइसोलेसनमा १ हजार ८१ जना, कुल संक्रमित एन्टिजेन १४९ जना र मृत्यु हुनेको संख्या १४४ जना पुगेको स्वास्थ्य कार्यालयले जनाएको छ ।
