कनकाई \ व्यवसायीहरुको साझा संस्था कनकाई उद्योग वाणिज्य संघको विहिवार सम्पन्न निर्वाचनवाट स्थानीय युवा व्यवसायी त्रिलोचन चिमरीया अध्यक्षमा निर्वाचित भएका छन् ।
नेपाली कांग्रेसको नेतृत्वमा राप्रपा, संघिय समाजवादी फोरम र विवेकशिल साझा पार्टी सहितको समर्थन रहेको व्यवसायीहरुको लोकतान्त्रीक समावेशी समूहको नेतृत्व गरेका चिमरीयासहित उनको सम्पूर्ण टिम नै विजयी भएको हो । विहिवार रातभरी भएको मतगणनाको अन्तिम परिणाम शुक्रवार विहान १० वजे मात्र सार्वजनिक भएको हो ।
नव निर्वाचित अध्यक्ष चिमरीयाले ७२७ मत प्राप्त गर्न सफल भएका छन् भने अध्यक्षका प्रत्याशी संयुक्त व्यवसायी प्यानलका मिनाल तिम्सिनाले ५११ मत प्राप्त गरेका छन् । मत परिणामलाई हेर्दा चिमरीया र तिम्सिना विच २ सय १६ मतको अन्तर रहेको देखिन्छ । वरिष्ठ उपाध्यक्षका लागि संयुक्त व्यवसायी प्यानलवाट सोमनाथ उप्रेती यस अघि नै निर्विरोध भइसकेका थिए ।
त्यसैगरी कार्यसमितिको वाणिज्य उपाध्यक्षमा निर्वाचित अर्जुन वोहोराले ६५३ मत प्राप्त गरी विजय भएका छन् भने उनका प्रतिस्पर्धी कृष्णप्रसाद चुडालले ५५६ मत प्राप्त गरेका छन् । उद्योग उपाध्यक्षमा पुण्यप्रसाद सिटौलाले ६५४ मत प्राप्त गरी विजयी भए भने उनका प्रतिस्पर्धी अनिल गोयलले ५२४ मत प्राप्त गरेका छन् । महासचिवमा तुलसी विमलीले ८१४ मत प्राप्त गरी विजयी भए भने प्रतिस्पर्धी खिनमाया खतिवडाले ४१६ मत प्राप्त गरेकी छन् । वाणिज्य सचिवमा डम्वरप्रसाद प्रसाई(प्रकाश)ले ६३१ मत प्राप्त गरी विजयी भएका छन् भने प्रतिस्पर्धी विश्वविजय खरेलले ५६६ मत प्राप्त गरेका छन् ।
उद्योग सचिवमा राजकुमार शाहले ६३४ मत प्राप्त गरी विजयी भएका छन् भने प्रतिस्पर्धी पदम ओलीले ५४५ मत प्राप्त गरेका छन् । कोषाध्यक्षमा भरतकुमार अधिकारीले ६९४ मत प्राप्त गरी विजयी भएका छन् भने प्रतिस्पर्धी अनिता मैनालीले ४२५ मत प्राप्त गरेकी छन् ।त्यसै गरी खुल्ला सदस्य तर्फ क्रमशः सन्तोष प्रसाईँले ७०९, भरत सापकोटाले ६०८, गंगाराम गजुरेल(सञ्जय)ले ६५२, झलक सिटौलाले ६९२, माधव पोखरेलले ६३० , दिपक खतिवडाले ६२० मत प्राप्त गरी विजयी भएका छन् भने महिला सदस्यमा भुमा गौतमले ६३१, शान्तादेवी अधिकारीले ७०५ र तारामाया राईले ६०७ मत प्राप्त गरी निर्वाचित भएको निर्वाचन समितिका संयोजक प्रेमप्रसाद चुडालले वताएका छन् ।
खुल्ला सदस्य तर्फका प्रतिस्पर्धी सुवास डाँगीले४९५, गोविन्द सुवेदीले ५१९, टंकप्रसाद भट्टराईले ४७५, उत्सव वास्तोलाले ४९३, श्रीप्रसाद खरेलले ५८०, नवराज सुवेदीले ४८७ मत प्राप्त गरेका छन् । त्यस्तै महिला तर्फका प्रतिस्पर्धी लक्ष्मी वस्नेतले ४९९, चित्रकुमारी श्रेष्ठले ४८५ र निर्मला चाम्लिङ्ले ५६५ मत प्राप्त गरेको निर्वाचन समितिले जनाएको छ । निर्वाचनका लागि संस्थाका पूर्व अध्यक्ष तथा एसोसिएट सदस्य साथै व्यवसायी सहित जम्मा १३ सय ८७ व्यवसायीहरु मतदाताका रुपमा रहेका थिए भने १२ सय ६१ मत मात्र खसेको वताइएको छ ।
