झापा \ झापाको दमकबाट मानव बेचबिखनमा संलग्न दुईज महिला पक्राउ परेका छन् । ८ जना युवतीहरुको प्रहरीले उद्धार गरेको छ ।
दमक नगरपालिका वडा नं. ६ स्थित नयाँ सब्जी मण्डीमा घर भाडामा लिई २ जना महिलाहरुले दमक बजारमा कामको खोजीमा आउने बिभिन्न उमेर समुहका युवतीहरुलाई सोही घरमा राखी बेश्याबृति गराई रहेको छ भन्ने बिशेष सूचनाको आधारमा ईलाका प्रहरी कार्यालय दमकबाट खटिएको प्रहरी टोलीले गत चैत्र ६ गते रितपुर्वक खानतलासी गर्दा १७ देखी ३९ बर्ष उमेर समूहका ८ जना महिला तथा युवतीहरुलाई प्रहरीले उद्धार गरेको छ ।
प्रहरीले मोरङ पथरीशनिश्चरे नगरपालिका वडा नं. ३ बस्ने बर्ष ३८ की उर्मिला नेम्बाङ र जिल्ला ईलाम चुलचुली गा.पा. वडा नं. ४ बस्ने बर्ष ३८ की बन्ठि भन्ने नन्दिता साँवा लिम्बु लाई बेश्याबृति कार्यमा संलग्न रहेको जिल्ला प्रहरी कार्यलय झापाका प्रवक्ता राकेश थापले जानकारी दिएका छन् ।
घर मालिक समेत रेहकी उर्मिला नेम्बाङलाई पक्राउ गरी ८ जना पिडित महिला तथा युवतीहरु समेतलाई उद्धार गरी पिडितको बयान समेत सम्मानित झापा जिल्ला अदालतबाट प्रमाणित गराई पिडितहरुलाई आफन्तको जिम्मा लगाईएको र बन्धक बनाउने उर्मिला नेम्बाङको हकमा म्याद थप लिई अनुसन्धान भईरहेकोमा अनुसन्धानको क्रममा वारदातमा संलग्न तत्काल फरार रहेकी बन्ठी भन्ने नन्दिका साँवा लिम्बुलाई दमक नगरपालिका वडा नं. ६ बाट १५ गते बिशेष सूराकीको आधारमा पक्राउ गरी निजहरु उपर मानव बेचबिखन मुद्धा दर्ता गरी झापा जिल्ला अदालतबाट म्याद थप लिई थप अनुसन्धान कार्य भईरहेको प्रवक्ता थापाले बताए ।
