कनकाई खबर / झापाको कनकाई नगरपालिका देशकै उत्कृष्ट एक नगरपालिकामा पर्न सफल भएको छ ।
नेपाल नगरपालिका संघको २८ औं बार्षिक साधारणसभाको अवसरमा देशमा उत्कृष्ट तिन वटा नगरपालिका मध्ये कनकाई नगरपालिकालाई उत्कृष्ट नगरपालिका घोषणा गर्दै पुरस्कृत गरिएको छ ।
नेपाल नगरपालिका संघले गरेको मुल्याङकनको आधारमा कनकाईलाई उत्कृष्ठ नगरपालिका ठहर्याईको थियो ।
संघको आज आयोजित सभामा कनकाई नगर प्रमुख राजेन्द्र पोखरेल र उपप्रमुख मञ्जु प्रसाईलाई प्रधानमन्त्री केपी शर्मा ओलीले कदर पत्र सहित पुरस्कृत गरेका छन् ।
त्यस्तै रुपन्देहीको तिलोत्तमा, स्याञ्जाको वालिङ नगरपालिका पनि उत्कृष्ट नगरपालिकामा परेका छन् । तिन वटै नगरपालिकालाई प्रधानमन्त्रीको हातबाट पुरस्कृत गरिएको संघका अध्यक्ष अशोक ब्याञ्जुले जानकारी दिए ।
व्याञ्जुका अनुसार झापाको कनकाई, रुपन्देहीको तिलोत्तमा र स्याञ्जाको वालिङ नगरपालिकालाई विभिन्न सूचकका आधारमा उत्कृष्ट घोषणा गरिएको थियो । ती नगरपालिकाहरुलाई वातावरण, सुशासन र वित्तीय क्षेत्रमा उत्कृष्ट काम गरेको भनेर पुरस्कृत गरिएको हो ।
होटल र्याडिसनमा भएको कार्यक्रममा अपांगता भएका व्यक्तिहरुको जीवन सहज बनाउनका लागि रोटरी क्लबसँग करिब ८ सय वटा ह्विल चेयर र केही डाइलोसिस मेसिन दिने सम्झौता पनि भएको छ । यसैगरी विल गेट्स फाउण्डेसनसँग नगरपालिकाहरुको लेदोजन्य फोहोर व्यवस्थापनका कार्यक्रमको लागि सहयोग पत्रमा हस्ताक्षर भएको थियो ।
