कनकाई खबर \ बिघटित प्रतिनिधिसभाका निर्वतमान सांसद तथा नेपाल कम्युनिष्ट पार्टी (ओली समुह) का केन्द्रीय सदस्य लालप्रसाद लिम्बू ( एलपी साँवा) लाई मातृ शोक परेको छ । वहाँको ७५ वर्षिया ममतामयी माता दिलकुमारी साँवा लिम्बूको आज विहान झापाको शिबसताक्षी–९ दुधेस्थित निजी निवासमा ५ः३० बजे निधन भएको छ ।
आमा दिलकुमारीलाई स्वास्थ्यमा समस्या भएपछि बिर्तामोडस्थित एक अस्पतालमा उपचारतको लागि लगिएको र हिजो मात्रै उपचारपछि घरमा ल्याइएको परिवार स्रोतले जनाएको छ । नेकपा झापा क्षेत्र नं ४ का सहसंयोजक एबम् शिबसताक्षी नगरका युवा नेता रोशन थोप्राका अनुसार हिजो बुधबार अस्पतालबाट दुधे निजी निवासमा ल्याइएको हो ।
झापा क्षेत्र नं ४ बाट प्रतिनिधिसभा सदस्यमाा निर्वाचित निर्वतमान सांसद साँवाका माता दिलकुमारीका ५ छोराहरु र २ जना छोरीहरु छन् । जसमध्ये एक छोराको निधन भइसकेको छ ।
निवर्तमान सांसद जेष्ठ पुत्र हुन् । वहाँका माता र पिता काइला छोरा भीम र कान्छा छोरा रोमन साँवासँग दुधेस्थित संयुक्त परिवारमा बस्दै आएका थिए ।
आजै, माता दिलकुमरी साँवाको पार्थिव शरिरलाई स्थानीय मिलन चौकस्थित रतुवामाई बृक्षारोपण आयोजनाको बन क्षेत्रमा अन्तिम संस्कार गरिने परिवारलाई उद्रित गर्दै रोशन थोप्राले जानकारी दिएका छन् ।
