कनकाई खबर \ बिसहजारी जेसीजवाट सन् २००४ देखि जेसीज अभियानमा प्रवेश गर्नुभएका नेपाल जेसीज वर्ष २०२१ का लागि नवनिर्वाचित राष्ट्रिय अध्यक्ष जेसी अरुणेश्वर खनाल २०३९ साल जेष्ठ ११ गते तनहुँको बसन्तपुरमा जन्मनु भएको हो । सुरुवाती समयमा बिसहजारी जेसीजको साधारण सदस्य , २००७ मा शाखा उपाध्यक्ष , २००८ मा कार्यकारिणी उपाध्यक्ष, २००९ मा कानुनी सल्लाहकार हुदै सन् २०१० मा बिसहजारी जेसीजको शाखा अध्यक्ष हुनु भएको थियो।
सानै देखि नेतृत्व लिन सधै अग्रसर रहने खनाल ,नेपाल रेडक्रस सर्कलको आजिबन सदस्य, नेपाली कांग्रेस क्षेत्र न २ को क्षेत्रिय प्रबक्ता हुनुहुन्छ। साथै उहाँले नेविसंघ चितवनको पूर्व जिल्ला अध्यक्ष, मानव अधिकार मन्च तथा शान्ति समाजको पूर्व जिल्ला सदस्य लगाएत दर्जन भन्दा बढी सामाजिक संस्थाहरुको नेतृत्व सम्हाली सक्नु भएको छ।
नेपाल जेसीजको ४७ औं राष्ट्रिय महाधिवेशनबाट सन् २०२१ कोलागि राष्ट्रिय अध्यक्ष निर्बाचित खनाल २०१० मा बिसहजारी जेसीजको शाखा अध्यक्ष हुनु हुन्थ्यो। सन् २०१२ मा नेपाल जेसीजको राष्ट्रिय उपाध्यक्ष, २०१३ मा महासचिब र २०१६ मा कार्यकारिणी उपाध्यक्ष रहनु भएको थियो। साथै उहाँले सन् २०२० को लागि राष्ट्रिय अध्यक्ष पदको लागि उपविजेतामै चित्त बुझाउनु परेको थियो।
सन् २०२१ मा नेपाल जेसीजलाई नेपाल सरकारका स्थानीय निकायसंग सम्बन्ध विस्तार गराउन पहल गरिने खनालले बताउनु भयो। राष्ट्रियता , मानबता र विधिको शासनलाई पहिलो प्राथमिकतामा राखिने छ । साथै नेपाल जेसीजमा सिप मुलक तथा ब्यबसायिक तालिमहरु प्रदान गरि जेसीजका चारै क्षेत्रमा क्षेत्रिय तालिम केन्द्रको पुनर्स्थापना गरिने छ। खनालको सपना जेसीजका अवसरहरु हरेक शाखामा पुर्याउनु रहेको छ।
