बिर्तामोड / झापा बिर्तामोडकी इसरत परविन शेखलाई सरकारले हज समितिको सदस्य तोकेको छ । बिर्तामोड–४ की शेखलाई भदौ १ गते सो जिम्मेवारी दिइएको हो । गृह मन्त्रालयकी उपसचिव प्रदर्शनी कुमारीका अनुसार गृहमन्त्रीस्तरको निर्णयले ३९ वर्षीया शेखलाई नेपाल हज समितिको सदस्य तोकिएको हो ।
शेखको कार्यकाल भदौ २ गतेदेखि लागु हुने मन्त्रालयले जनाएको छ । उनलाई नेपाल हज समिति -गठन तथा सञ्चालन) आदेश, २०८२ को दफा ३ को उपदफा १ -ख) बमोजिम सदस्य तोकिएको हो ।
बिर्तामोडमा महिलाको कपडा र इस्लामिक सामग्री पाइने इसरत कलेक्सन सञ्चालन गर्दै आएकी शेख महद अनलाइन कुरआन एकेडेमीमा समेत आवद्ध छिन् । उनले कनकाई आदर्श कलेजमा अध्ययन गरेकी हुन् । ̶ झापा टुडेबाट
कमेन्टस्
