कनकाई खबर डेक्स \ सुरुङ्गा जेसीजको जेसीज सप्ताह अन्तर्गतको निर्धारीत तालिका अनुसार चौथो कार्यक्रमका रुपमा व्याडमिन्टन प्रतियोगिता सम्पन्न भएको छ । सुरुङ्गा जेसीजका अध्यक्ष भीमप्रसाद भट्टराईको अध्यक्षता एवम् नेपाल जेसीजका पूर्व कार्यकारिणी उपाध्यक्ष विनोद वस्नेतको प्रमुख आतिथ्यतामा सम्पन्न प्रतियोगितामा दुईवटा समूहका गरी आठजना प्रतियोगीहरु विजेता वनेका छन् ।
प्रतियोगितामा समूह ‘क’ वाट जनक कार्की र किरण क्षेत्रीले प्रथम स्थान हात पार्न सफल भए भने टिकाराम वराल र श्रवणकुमार चौधरीले दोस्रो स्थान प्राप्त गर्न सफल भएका थिए । त्यसैगरेर समूह ‘ख’ वाट ईश्वर पोखरेल र सञ्जय सेड्याईँले प्रथम स्थान हात पार्न सफल भए भने ख्याम पाठक र अर्जुन ओलीले दोस्रो स्थान प्राप्त गर्न सफल भएको व्याडमिन्टन प्रतियोगिताका संयोजक एवम् सुरुङ्गा जेसीजका उपाध्यक्ष तुलसी विमलीले वताएका छन् ।
विजेता सवैलाई कार्यक्रमका प्रमुख अतिथी नेपाल जेसीजका पूर्व कार्यकारिणी उपाध्यक्ष वस्नेतले पुरस्कार वितरण गरेका थिए । सुरुङ्गा जेसीजका पूर्व अध्यक्षद्वय जनक कार्की र शिव कडेल, समाजसेवी श्याम ओली लगायतले मन्तव्य राखेको कार्यक्रममा पूर्व अध्यक्षहरु कुमारमणि पोखरेल, शिवकुमार कडेल, त्रिलोचन चिमरीया, सुनचाँदी व्यवसायी संघ कनकाईका अध्यक्ष टिकाराम वराल, इलाका प्रहरी कार्यालय सुरुङ्गाका इञ्चार्ज श्रवणकुमार चौधरी, कनकाई व्याडमिन्टन क्लवका संचालक रोशन श्रेष्ठ लगायतको आतिथ्यता रहेको थियो । कार्यक्रम संयोजक तुलसी विमलीले स्वागत सहित औचित्यमाथि प्रकाश पारेको कार्यक्रमको संचालन सचिव त्रिलोचन उप्रेतीले गरेका थिए ।
