कनकाई खबर \ झापाका विभिन्न स्थानीय तहमा आज मंगलबार ६६ जनामा कोरोना संक्रमण पुष्टी भएको छ ।
जिल्ला स्वास्थ्य कार्यालय झापाका फोकल पर्सन जिवन चौंलागाईँका अनुसार आज दमकका थप १४ महिला र १६ पुरुष गरी ३० जनामा कोरोना संक्रमण पुष्टी भएको छ । त्यस्तै विर्तामोडका १२ जनामा कोरोना संक्रमण पुष्टी भएको छ । त्यसैगरी भद्रपुरमा ७ , कमलमा २, गौरादहमा ४, गौरीगञ्जमा २ मेचीनगरमा ३, बुद्धशान्ति र अर्जुनधारामा १ \ १ र कनकाई नगरपालिकाका १ जना स्थानीयमा कोरोना संक्रमण देखिएको छ ।
कोरोनाका कारण हिजो र आज दमक, कमल र गौरादहमा एक\एक जनाको मृत्यु भएको छ । जिल्लाभर कोरोना संक्रमणवाट मृत्यु हुनेको संख्या ५३ पुगेको छ । जिल्लामा सक्रिय संक्रमितको संख्या ८१३ छ भने १ हजार ३ सय ५४ जनाले कोरोना जितेका छन ।
कमेन्टस्
