कनकाई खबर \ आज झापामा कनकाईका १४ सहित ५९ जना कोरोना संक्रमित पाइएका छन् । त्यसमा २४ महिला र ३५ पुरुष रहेको बताइएको छ ।कनकाईको लिष्टमा रहेका १४ जना मध्ये दुईजनाको ठेगाना मोरङ रहेको छ ।
जिल्ला जनस्वास्थ्य कार्यालय झापाका फोकल पर्सन जीवन चौंलागाईका अनुसार कनकाईमा ५ महिला ९ पुरुष गरि १४ जना, विर्तामोडमा ७ महिला ६ पुरुष सहित १३ जना, दमकमा २ महिला ७ पुरुष गरि ९ जना, अर्जुनधारामा ३ महिला २ पुरुष गरि ५ जना , गौरादहमा २ महिला ३ पुरुष गरि ५ जना, शिवसताक्षिमा ४ पुरुष ,कमलमा २ महिला १ पुरुष सहित ३ जना, भद्रपुरमा १ महिला १ पुरुष सक्रमित भएका छन ।
त्यसै गरि झापा गाउपालिका र गौरिगंजमा १ \ १ पुरुष र वुद्धशान्तीमा २ महिला रहेका छन । झापामा आजसम्म पिसिआर स्वाब संकलन ३० हजार १ सय ५३ रहँदा संक्रमित संख्या २ हजार १ सय ५४, आजसम्म डिस्चार्ज हुनेमा १३ सय ३६, सक्रिय संक्रमित ७ सय ७२ र मृत्युको संख्या ४८ पुगेको स्वास्थ्य कार्यालय झापाले जनाएको छ ।
