कनकाई खबर \ कनकाई नगर क्षेत्रमा क्रियाशिल सामाजिक संस्थाहरु मध्येको एक सुर्योदय क्लवले आयोजना गरेको रक्तदान कार्यक्रममा ४ महिलासहित ५७ जनाले रक्तदान गरेका छन् ।
नेपाल रेडक्रस सोसाइटी विर्तामोड शाखाको प्राविधिक सहयोग तथा रेडक्रस सुरुङ्गाको व्यवस्थापन रहेको रक्तदान कार्यक्रममा कनकाई नगरपालिका १नं.वडा कार्यालय, सूर्योदय बाल क्लब, प्रगतिशील बाल क्लब, कनकाई नगर बाल संजाल, कनकाई नर्बदेश्वर किर्तन मण्डली, कनकाई नर्बदेश्वर संरक्षण समिती, कनकाई बिहानी क्लब, प्रजापति सामाजिक क्लब, बसुन्धरा कृषि सहकारी संस्था लि., सुन्दरकाली मन्दिर ब्यवस्थापन समिति, प्रजापति सामुदायिक बन, जामुनबारी सामुदायिक बन, जामुनखाडी कृषि सहकारी संस्था लगायतका स्थानीय सामाजिक संस्थाहरुको विशेष सहयोग रहेको आयोजक क्लवका अध्यक्ष रोहित कोइरालाले बताएका छन् ।
रक्तदान कार्यक्रमका प्रमुख अतिथी कनकाई नगरपालिकाका प्रमुख राजेन्द्रकुमार पोखरेलले ४४ औ पटक रक्तदान गरेका थिए भने कनकाई नगर बाल संजालका अध्यक्ष हिमांसु उप्रेतीले पहिलो पटक रक्तदान गरेको बताइएको छ ।
कार्यक्रममा कनकाई १ का वडाअध्यक्ष रोषनराज पोखरेल, ४ का वडाअध्यक्ष गोविन्द पौड्याल, कार्यपालिका सदस्य सीता अधिकारी , कनकाई खेलकुदका अध्यक्ष दिनानाथ खतिवडा, सचिव विनोद रानामगर लगायतले शुभकामना मन्तव्य राखेका थिए । कार्यक्रमको संचालन क्लवका कुमार कोइराला र स्वागत उपाध्यक्ष जयप्रसाद सापकोटाले गरेका थिए ।
