कनकाई खबर \ कनकाई नगरपालिकाको एउटै वडाबाट नेपाली कांग्रेस र राप्रपा परित्याग गरी ९३ जना नेकपामा प्रवेश गरेका छन ।
नेकपा वडासमिति कनकाई १ को आयोजनामा सम्पन्न विशेष कार्यक्रममा गत स्थानीय निर्वाचनमा नेपाली कांग्रेस वडा नं. १ की दलित वार्डसदस्यकी उम्मेद्धार संगिता ल्वागुन र राप्रपाबाट दलित सदस्यकी उम्मेद्धार पार्वता नेपालीले आआफ्नो पार्टी छाडेर नेकपामा प्रवेश गरेका हुन् । यसैगरि नेपाली कांग्रेसका यस क्षेत्रका स्थापित स्थानीय नेता शुशिलकुमार पोखरेल लगायत कनकाई १ नम्बर वार्डका ९३ जना एकैसाथ नेकपामा प्रवेश गरेका छन ।
उनीहरुले समाजवाद, दलित र बर्गिय उत्थानका लागि कांग्रेस र राप्रपाले कुनै भुमिका खेल्न नसकेको आरोप लगाउँदै नेकपामा प्रवेश गरेका हुन ।
दुर्गापुरमा आयोजित कार्यक्रममा नेकपाका जिल्ला अध्यक्ष चिन्तन पाठक, सचिव मणिकुमार साम्पाङ्ग बिजय , प्रदेशसभा सदस्य तथा नेकपा नेता हिराकुमार थापा, कनकाई नगरपालिकाका प्रमुख तथा नेकपा जिल्ला कमिटी सदस्य राजेन्द्रकुमार पोखरेल, पार्टीका नगर इन्चार्ज गोपाल प्रसाई, अध्यक्ष रविन्द्र लम्साल, सचिव विष्णुप्रसाद बिमली, कनकाई १ नम्बर वार्डअध्यक्ष रोषनराज पोखरेल ,पार्टीका वार्ड अध्यक्ष ऋषिराम खतिवडा, वार्ड इन्चार्ज प्रेमप्रसाद अधिकारी, सचिव दलबहादुर विश्वकर्मा लगायतले नव पार्टी प्रवेशीलाई स्वागत र पार्टी सदस्यता बितरण गरेका थिए ।
