झापा \ सरकारले माग पूरा गरेपछि सत्याग्रही डा. गोविन्द केसीले २८ दिनदेखिको आमरण अनसन आज तोडेका छन् ।
शनिवार राति डा. केसी र सरकारी पक्षको वार्ता टोलीबीच सहमति भएपछि उनले अनसन तोडेका हुन् । त्रिवि शिक्षण अस्पतालका सफाइ कर्मचारी विकास नेपालीको हातबाट जुस पिएर अनसन तोडेका हुन् । ४६ वर्षीय नेपाली कोरोना संक्रमण भएर निको भएका हुन् ।
डा. केसीले ६ बुँदे चिकित्सा क्षेत्र सुधारका माग राखी गत भदौ २९ गते जुम्लाबाट १९ औं आमरण अनसन सुरु गरेका थिए ।
सहमति पत्रमा डा. गोविन्द केसी र सरकारी टोलीका संयोजक गोपीनाथ मैनालीले हस्ताक्षर गरेका छन् ।
कमेन्टस्
