कनकाई खबर \ झापाको गौरादह १ मा आज एक बृद्धा आफ्नै घर भित्र मृत फेला परेकी छन । उनको मृत्यु रहस्यमय भएको बताइएको छ ।
केही दिन अघि कमल गाउँपालिकाबाट बसाइँ सरेर आएका भीम भण्डारीकी श्रीमती अन्दाजी ६० बर्षिया ति बृद्धा घर भित्रको खाटमुनी रक्तााम्य अवस्थामा मृत भेटिएकी हुन ।
उनीहरुको घरमा हाल पति पत्नी मात्रै बस्दै आएको बताइएको छ । आज बिहान कमल गाउँपालिकास्थित ढ्याङग्रीमा खाना खाएर करिब ११ बजेतिर दुबैजना गौरादहस्थित आफ्नो घरमा आइपुगेका थिए । त्यसपछि उनका पति भीम भण्डारी मध्यान्नको समयमा गौरीगञ्ज तर्फ गएको र अन्दाजी साढे ४ बजेतिर घर आउँदा पत्नीलाई खाटमुनी हात बाँधेको अवस्थामा मृत भेटीएको स्थानीय जनता माविका शिक्षक समेत रहेका सञ्चारकर्मी दीपक सुवेदीले जनाएका छन । घटनास्थलमा जिल्ला प्रहरी कार्यालय झापाका एसपी कृष्ण कोइरालासहितको टोली पुगेको स्थानीय वडाध्यक्ष नगेन्द्र भण्डारीले बताए । घटनास्थलको अनुसन्धानकालागि धरानबाट प्रहरीले कुकुरसहितको टोली ल्याएको बताइएको छ । अहिले प्रहरीले घेरा हालेर अनुसन्धान थालेको बताइएको छ ।
