कनकाई खबर \ मुसलधारे झरी बर्षासँगै कनकाईको सुरुङ्गामा शुक्रबार भएको रक्तदान कार्यक्रममा ७७ जनाले रक्तदान गरेका छन् ।
‘हामी सेवा गर्छौ’ भन्ने मूल मन्त्रका साथ सामाजिक क्षेत्रमा क्रियाशिल अन्तर्राष्ट्रिय सामाजिक संस्था लायन्स क्लव अफ कनकाई सुरुङ्गा र लियो क्लव अफ कनकाई सुरुङ्गाले रक्तदान कार्यक्रम सम्पन्न गरेको हो । कोरोनाको कहरसँगै भएको रगत अभावलाई मध्यनजर गर्दै लायन्सले रक्तदान कार्यक्रम सम्पन्न गरेको लायन्स क्लव अफ कनकाई सुरुङ्गाका संस्थापक अध्यक्ष लायन लीलाप्रसाद चिमरियाले बताए ।
बिकट परिस्थितीमा पनि सामाजिक क्षेत्रमा विभिन्न सेवाका काम गर्दैं आएको लायन्स क्लवले यस अघि पनि कनकाई नगर क्षेत्र लगायत शिवसताक्षी, झापा गाउँपालिका , बाह्रदशी र इलाम क्षेत्रका समेत केही स्थानमा विभिन्न किसिमको सेवाका कार्य गर्दै आएको क्लवका संस्थापक अध्यक्ष समेत रहेका सामाजिक अभियन्ता चिमरियाले जानकारी दिए ।
क्लवले आफ्नो स्थापना वर्षदेखि नै विभिन्न समयमा अति विपन्न परिवारलाई खाद्य सामाग्री , जाडोको कपडा, कम्प्युटर, विद्यालय पोशाक जस्ता सामाग्री वितरण गर्दै आएको लायन्स क्लब अफ कनकाई सुरुङ्गा वर्ष २०२०÷२०२१ का अध्यक्ष लायन मनोज बस्नेतले बताए । रक्तदान कार्यक्रम रेडक्रस सोसाइटी बिर्तामोडको प्राविधिक सहयोगमा सुरुङ्गास्थित प्रधान मेडिसिन सेन्टर परिसरमा सम्पन्न भएको अध्यक्ष बस्नेतले जानकारी दिए ।
