कनकाई \ कनकाई नगरको वडा नंं. ७ स्थित कालिमुडामा जेष्ठ नागरीक चौतारी तथा दिवा सेवा केन्द्र निर्माणका लागि एक विशेष कार्यक्रमका विच वुधवार शिलान्यास गरीएको छ ।
स्थानीय खगवहादुर र जनमाया भुजेलले आफ्ना वुवाआमा स्व.कविराज र सुभद्रा भुजेलको स्मृतिमा दान गरेको एक कठ्ठा जमिनमा चौतारी निर्माण हुन लागेको हो । निर्माणका लागि कनकाई नगरपालिकावाट रु.५ लाख र सहारा नेपालवाट रु.५ लाख गरी जम्मा रु.१० लाखमा जेष्ठ नागरिक चौतारी निर्माण हुन लागेको वडा नं.७ का वडा सदस्य प्रकाश शिवाकोटीले वताएका छन् ।
समाजका जेष्ठ नागरिकहरु भेला भएर मनका भावना साँटासाट गर्ने र सत्सङ् गर्नका लागि सभाहल सहितको अन्य दुई कोठा भएको सुविधा सम्पन्न जेष्ठ नागरिक चौतारी निर्माण हुने वताइएको छ । निर्माण समितिका अध्यक्ष देवेन्द्र खवासको अध्यक्षता रहेको कार्यक्रममा प्रमुख अतिथिका रुपमा रहेका कनकाई ७ का वडा अध्यक्ष लिलावहादुर कन्दङ्वा, जेष्ठ नागरीक संघ कनकाई नगरका अध्यक्ष पुण्यप्रसाद वाराकोटी लगायतले चौतारीको शिलान्यास गरेका हुन् ।
गुरु पुरोहितहरु टंकमणि काफ्ले र दिननाथ निरौलाले स्वस्तीवाचन सहित वैदिक विधिअनुसार पुजा गरेर चौतारीको शिलान्यास गरीएको हो । जेष्ठ नागरीक संघ वडा नंं ७ की सहसचिव सीता ओलीको स्वागत तथा संघका नगर सचिव शम्भु पोखरेलले संचालन गरेको औपचारीक कार्यक्रममा प्रमुख अतिथी वडा नंं ७ का वडा अध्यक्ष लिलावहादुर कन्दङ्वा, संघका नगर अध्यक्ष पुण्यप्रसाद वाराकोटी, वडा नं.७ का अध्यक्ष धनराज खड्का, सचिव हरीप्रसाद शिवाकोटी लगायतले मन्तव्य राखेका थिए ।
