Header Ad Header Ad

Most Viewed

Categories

गौरादह ९ स्थित हात्तीडुव्वा सिमसारलाई पर्यटकीय गन्तव्य वनाउन स्थानीयबासी जुटे

कनकाई खबर / झापाको गौरादह—९ स्थित बैगुनधुरामा स्थानीय सन्थाल बस्तीलाई समेटेर विस्तार हुन लागेको पर्यटकीय क्षेत्रको निर्माणमा स्थानीयबासी एक जुट हुन थालेका छन् ।

   नेपालकै भुमिपुत्र भनेर चिनिने सन्थाल जातिको बाहुल्यता रहेको गौरादहस्थित बैगुनधुरामा रहेको हात्तीडुब्बा क्षेत्रमा केही अन्य जातजातिको बसोवास रहेपनि सन्थाल जातीको बाहुल्यता रहेको छ । करिब ४०/५० घर सन्थाल जातिको बसोवास रहेको सो क्षेत्र नजिकै ७० वर्ष अघिदेखि एउटा खाडीको रूपमा हात्तीडुब्बा नामले प्रचलित प्राकृतिक जलाशय छ । तीन विगाह बढी क्षेत्रफलमा फैलिएको जलाशयमा धेरै वर्ष पहिले पानी पिउने क्रममा थुप्रै हात्तीहरू डुबेर मरेको स्थानीय अगुवाहरू बताउँछन् । हात्तीहरू डुबेर मरेका कारण जलाशयको नाम हात्तीडुब्बा रहेको स्थानीय चन्द्र बहादुर खड्काले बताए । पर्यटकीय गन्तव्यको रूपमा विकास गरी ग्रामिण क्षेत्रको इतिहास स्थापित गर्दै हात्तीडुब्बालाई सिमसार क्षेत्रका रुपमा व्यवस्थित गर्न लागिएको खड्काले बताए ।

   प्राचीन पानीको दह ‘होली’ रहेको स्थानलाई सिमसारको रुपमा बिकास गर्दै पर्यटकीय केन्द्र बनाउने उदेश्यले खड्काको अध्यक्षतामा हातीडुब्बा सिमसार तथा पर्यटकीय बिकास केन्द्रको गठन गरिएको छ । केन्द्रले प्रथम साधारणसभा आइतबार सम्पन्न गरेको छ । सिमसार परिसरमा आयोजित उपभोक्ता भेलाले यसअघिको तदर्थ समिति बिघटन गरि १५ सदस्यीय कार्यसमिति गठन गरेको हो । ३ बर्ष कार्यकाल रहने समितिको उपाध्यक्षमा दिवसपती पोख्रेल, सचिवमा नगेन्द्र बस्नेत, कोषध्यक्षमा राधा दाहाल चयन भएका छन ।

   भेलाले सदस्यहरुमा हरि प्रसाद बराल, चन्द्रबहादुर बिष्ट, मेघराज थापा, गुरु मुर्मू, सुमित्रा सोरेन, रिता निरौला, किशोर परियार, रुद्र सिग्देल, चित्र बहादुर पौडेल, ख्याम प्रसाद गौतम र सृजन घिमिरेलाई जिम्मेवारी दिने निर्णय गरेको छ । गौरादह ९ का वडाध्यक्ष सिताराम भट्टराईको प्रमुख आतिथ्यतामा सम्पन्न कार्यक्रममा बोल्दै अध्यक्ष भट्टराईले सिमसार निर्माणले गौरादह नगरकै बिकासमा टेवा पुग्ने विश्वास व्यक्त गरे ।

   संरक्षण र प्रचार प्रसारको अभावमा ओझेलमा परेको क्षेत्रलाई सिमसारका रुपमा बिकास गरी पर्यटकीय स्थल बनाउने लक्ष्य राखिएको हात्तीडुब्बा सिमसार तथा पर्यटकीय केन्द्रका अध्यक्ष चन्द्र बहादुर खड्काले बताए ।

   हाल पोखरीले ओगटेको जग्गा बाहेक छेउमा रहेका व्यक्तिगत जग्गाहरु समेत खरिद गरी सिमसारको बाँकी काम अगाडि बढाउन पहल भैरहेको पनि अध्यक्ष खड्काले बताए । सबै जग्गाहरु मिलाएर करिब ६ बिगाहा १२ कट्ठा क्षेत्रफलमा सिमासार बनाउने लक्ष्य राखिएको बताइएको छ ।

   आर्थिक बर्ष २०७६/७७ मा प्रदेश १ सरकारबाट बिनियोजन भएको २० लाख मध्येबाट ८ लाख बराबरको काम पहिलो चरणमा सम्पन्न भएको अध्यक्ष खड्काले बताए । सिमसार निर्माणले बैगुनधुराको बिकासमा टेवा पुग्ने अपेक्षा गरिएको छ । निर्माणाधिन हुलाकी मार्गबाट करिब २ किलोमीटर उत्तरमा अवस्थित यो सिमसारले हुलाकी सडक बनेपछी झन बढी पर्यटक तान्ने आस गरिएको छ ।

Facebook Comments Box

    Leave Your Comment

    Your email address will not be published.*