Most Viewed

Categories

कोरोना संक्रमणको नियन्त्रणकालागि कनकाईका हाट बजार बन्द

कनकाई खबर / झापाको कनकाई नगर क्षेत्रमा साप्ताहिक रुपमा संचालन हुँदै आएका सबै हाटबजार भदौ ५ गते सम्मलाई बन्द हुने भएका छन् ।

   विश्वव्यापी महामारीका रुपमा फैलिएको कोरोना भाइरसको संक्रमण बढिरहेका कारण थप सतर्कता अपनाउँनु पर्ने आवश्यक्तालाई मध्यनजर गर्दै कनकाई नगरपालिकाले साउन २५ गतेदेखि लागु हुने गरी हाट बजार पूर्ण रुपमा बन्द गर्ने निर्णय गरेको नगरपालिकाले जारी गरेको सुचनामा जनाइएको छ ।

   नगरपालिकाका प्रमुख प्रशासकीय अधिकृत रुद्रप्रसाद नेउपानेद्वारा हस्ताक्षर गरिएको सार्वजनिक सुचनामा नगरवासीलाई कोरोना संक्रमणबाट सुरक्षित राख्न अर्को व्यवस्था नहुञ्जेल सम्मलाई भोली आइतवारबाट हाटबजार बन्द गर्ने निर्णय भएको जनाइएको छ । अन्य पसल, बैंक तथा वित्तिय संस्थाहरु बिहान ९ बजेदेखि दिउँसो २ बजेसम्मका लागि मात्र खुल्ला गर्न पाइने सार्वजनिक सुचना मार्फत जानकारी गराइएको छ ।

   नगरबासीको हितकालागि कनकाई नगपालीकाले गरेको निर्णय विपरित कसैले व्यवसाय सञ्चालन गरेमा संक्रामक रोग ऐन २०२० तथा अन्य प्रचलित कानुन बमोजिम कारवाही गरिने बताइएको छ ।

Facebook Comments

    Leave Your Comment

    Your email address will not be published.*