कनकाई खबर / क्यान्सर पिडित झापा कनकाई नगरपालिका—८ निवासी ४३ बर्षिया मेनुका ढुङ्गेल (बास्तोला)को उपचारकालागि सहयोग गर्ने दाताहरु सम्पर्कमा आउँन थालेपछि मेनुका बचाउ अभियान समितिले बैंक खाता संचालन गरेको छ ।
संकलन हुने रकमलाई व्यवस्थित गर्दै बिरामीको उपचारमा खर्च गर्ने गरी समितिले एनआईसी एशिया बैंकमा खाता संचालन गरेको जनाएको छ । विगत ४ महिनादेखि क्यान्सर रोगले ग्रसित बन्न पुगेकी बास्तोलाको काठमाडौंस्थित सिभिल अस्पतालमा उपचार भइरहेको छ । आर्थिक अवस्था कमजोर भएका बाँस्तोला परिवारले उपचारका क्रममा आँफूसँग भएको पैशा सबै सकिएपछि आर्थिक सहयोगकालागि सबैसँग अपिल गरेको छ । जसकालागि केही दिन अघि मात्र कनकाई नगर वडा नं. ८ का वडाअध्यक्ष प्रेम कटुवालको अध्यक्षतामा स्थानीय एक दर्जन बढी विभिन्न सामाजिक संघसंस्थाहरु सदस्य रहने गरी मेनुका बचाउ अभियान समिति गठन गरिएको थियो ।
उपचारमा रहेका डाक्टरको सल्लाह अनुसार खर्चको व्यवस्थापन गर्न सके मेनुकाले नयाँ जीवन पाउँन सक्ने आश्वासन प्राप्त भएपछि स्थानीयबासी, आफन्तजनको सक्रियतामा अभियान समिति क्रियाशिल रहेको बताइएको छ । मेनुकालाई सहयोग गर्ने दाताहरुले सोझै एनआईसी एशियाको खाता नं. २१०४१५०८९५१७८००१ मा रकम जम्मा गर्न सकिने बताइएको छ । केही आवश्यक परेमा थप जानकारीकालागि समितिका सचिव छबि कट्टेलको सम्पर्क नं.९८४२६७०८८०, कोषाध्यक्ष गोमा निरौलाको सम्पर्क नं.९८६३७६५१९६ र मेनुकाका दाजु चन्द्र ढुङ्गेलको सम्पर्क नं.९८४२६५२८०० मा सम्पर्क गर्न सकिने बताइएको छ । सहयोग गर्ने दाताहरुको नामावली रकमसहित क्रमशः अनलाईन संचार माध्यम साथै पत्रपत्रिका मार्फत सार्वजनिक गर्दै जाने समितिले जनाएको छ ।
