Most Viewed

Categories

आज राती १२ बजेदेखि बिर्तामोड लकडाउन हुने, यी क्षेत्र भने खुल्ला रहने

 

बिर्तामोड  /  कोरोना भाइरस कोभिड–१९ को संक्रमण समुदाय स्तरमा फैलिदै गएसँगै झापाको बिर्तामोड नगरपालिका बिर्तामोडले नगर क्षेत्रमा बन्दाबन्दी (लकडाउन) गर्ने निर्णय गरेको छ ।

   आज साउन १८ गते आइतबार राती १२ बजेदेखि लागु हुने गरी अनिस्चितकाल लकडाउन गर्ने निर्णय गरेको नगरपालिकाले जनाएको छ । बिर्तामोडमा समेत कोरोना संक्रमणको जोखिम बढेपछि लकडाउन गर्ने निर्णय गरेको नगर प्रवक्ता अग्नीप्रसाद पाण्डेले बताए ।

    स्वास्थ्य क्षेत्र बाहेकका सबै उद्योग व्यवसायहरु पूर्ण बन्द गर्ने, लामोदुरीका सवारीलाई भने बिर्तामोडमा रोक्न नदिई सिधै गन्तव्य तर्फ जान दिने निर्णय भएको छ । त्यसैगरी अतिआवस्यक खाद्यलगायतका ढुवानी गर्ने साधनलाई चल्न दिईने भएको छ, त्यसमा स्वास्थ्य सुरक्षालाई उच्चतम ध्यान दिनु पर्ने छ ।

   आईतबार नगरपालिकामा भएको सर्वपक्षिय बैठकमा प्रतिनिधी , प्रदेश सभाका सांसद नागरिक समाज, कार्यपालिका समिति, उद्योग बाणिज्य संघ, सुरक्षा निकाय, बैंकर्स , रेडक्रस लगायतका संघ संस्थाको उपस्तिथी रहेको प्रवक्ता पाण्डेले बताए ।

Facebook Comments

    Leave Your Comment

    Your email address will not be published.*