कनकाई खबर / नेपाल विद्यार्थी संघ झापाले जिल्लाका विभिन्न स्थानमा सरकार विरोधी नाराबाजी गर्दै बिरोध तथा खबरदारी कार्यक्रम संचालन गरेको छ ।
पछिल्लो समयमा सरकारले गरेका निर्णयहरु गैर जिम्मेवार भएको आरोप लगाउँदै आएको नेपाली कांग्रेसको भातृसंठन नेपाल विद्यार्थी संघ झापाले दुईदिने झापा जिल्ला व्यापी बिरोध कार्यक्रम घोषणा गरेसंगै मंगलबार पहिलो दिन जिल्लाका विभिन्न स्थानमा वीरोध प्रदर्शन गरेको हो ।
सरकारलाई खबरदारी गर्न आयोजना गरिएको कार्यक्रम झापाका मुख्य शहर बजारहरु बिर्तामोड , धुलाबारी , शनिश्चरे , सुरुङ्गा , भद्रपुर , दमक , गौरिगञ्जमा प्रदर्शन गर्ने क्रममा मंगलबार कनकाईको सुरुङ्गामा सम्पन्न गरिएको नेविसंघ झापाका सभापति राजेन्द्र उप्रेतीले जानकारी दिएका छन ।
नेवि संघका जिल्ला सदस्य असोक पाठकको संयोजकत्वमा सुरुङ्गामा सम्पन्न बिरोध कार्यक्रममा नेविसंघ झापाले विरोध प्रदर्शन गरेको छ । नेपाली कांग्रेस कनकाई नगर सचिव दुर्गा प्रसाईं , नेपाल महिला संघ क्षेत्रिय सभापति कविता बस्नेत , नगर सभापति शान्ता पोखरेल र सदस्य सीता थेवे नेविसंघ झापाका सभापति राजेन्द्र उप्रेती , जिल्ला प्रवक्ता संजय निरौला , सदस्य उदित दहाल , सुरज उप्रेती , सागर ढकाल , केशव खत्री लगायत नेविसंघमा आवद्ध सयौं बिद्यार्थीहरुको उपस्थितिमा हातमा प्ले कार्ड बोकेर “गैर जिम्मेवारी ओली सरकार मुर्दावाद , धार्मिक हिंसा निम्त्याउने अभिव्यक्ति दिन बन्द गर ,भ्रष्ट्रचारमा लिप्त सरकार मुर्दावाद , चोलेन्द्र शमशेरलाई कार्वाही गर , न्यायपालिकाको स्वतन्त्रता कायम गर , रन्जन कोइरालालाई पुनरजन्म कैद गर , सुशासन कायम गर , धार्मिक सहिष्णुता कायम गर जस्ता नारा लेखिएको प्लेकार्ड सहित नाराबाजी गर्दै सुरुङ्गा चोकमा विरोध प्रदर्शन गरिएको हो ।
